ارګ د ۱.۳ میلیارد افغانیو په ارزښت دروغتون او سړک جوړولو او تجهیزاتو په ګډون لس نوي تړونونه منظور کړل

د افغانستان د اسلامي جمهوریت د جمهور رئیس محمد اشرف غني په مشرۍ د ملي تدارکاتو کمېسیون  غونډه پرون ماښام په ارګ کې جوړه شوه.

په دې غونډه کې د ۱.۳ میلیارد افغانیو په ارزښت د سړک او روغتون جوړولو او بېلابېلو تجهیزاتو په ګډون دلس نويو پروژو د تړونونو د ورکړې غوښتنه له ارزونې وروسته تائید شوه چې جزئیات یې په لاندې ډول دي:

        د جوزجان ولایت د ۱۰۰ بستریز روغتون  جوړولو قرارداد؛

·        د کاپیسا ولایت په کره‎تازه سیمه کې د ۱۱ کیلو متره سړک جوړولوقرارداد؛

·        د هرات ولایت د اوبې ولسوالۍ له بیدک څخه تر سروان سیمې د اوبو بهېدنې د لښتیو په ګډون د ۱۹.۳۵ کیلومتره پوخ سړک جوړولو قرارداد؛

·        د ازبکستان پلازمېنه تاشکند کې د افغانستان د اسلامي جمهوریت استوګن سفارت د ودانۍ جوړولو قرارداد؛

·        د کندز ولایت امام صاحب ولسوالۍ د ترکمن کانال د بیارغونې قرارداد؛

·        د کابل ښاروالۍ د اړتیا وړ  وسایطو تجهیزاتو د تدارک قراداد؛

·        د کابل ښار  له بره کي سړک څخه تر سرای شمالي پورې او د قلعه زمان خان سړک د اړتیا وړ غاړو تېږود ۴ قلمه تدارک قراداد؛

·        دکورنیو چارو وزارت د اړتیا وړ  ۲ قلمه مخابروي وسایلو تدارک قراداد؛

·        د ملي دفاع وزارت د اړتیا وړ  ۲۴۰ متحرکو او ثابتو امنیتي کمرو او ۵۹ قلمه پرزه جاتو د تدارک قرارداد؛

·        د ملي دفاع وزارت اړتیا وړ  د اور وژنې او اور ضد (ضدحریق) ۱۲ قلمه ملزمه تجهیزاتو د تدارک قراداد؛

سربېره پردې په بېلابېلو ولایتونو کې د سرکونو د پروژو د ۱۲ قراردادونو د مودې د تمدید په اړه د فواید عامې وزارت وړاندیز چې د امنیتي، اجتماعي او موسومي دلایلو له امله یې کار درېدلی وو د بیا پیلولو او پاتې چارو د بشپړولو په خاطر  د کمېسیون له لورې منظور شو چې لاندې پروژې په کې شاملې دي:

·        له شبرغان څخه تر  درزاب پورې د سړک جوړولو او بیارغونې پروژه؛

·        د هرات ولایت د زنده جان څخه تر پل غوریان پورې د سړک جوړولو پروژې لومړۍ او دوېمه برخه؛

·        له شهرستان څخه تر دایکنډي د سړک د بیارغونې د پروژې لومړۍ برخه؛

·        د هرات ولایت پشتون زرغون سړک جوړولو پروژه؛

·        د لغمان ولایت له عمرزیو څخه تر مهترلام بابا پورې د سړک جوړولو او بیارغاونې پروژه؛

·        د دایکنډي ولایت له شهرستان څخه تر  قوناق کوتل پورې د سړک جوړېدو پروژه؛

·        له دایکنډي څخه تر شهرستان پورې د سړک جوړولو او بیارغاونې پروژې پنځمه برخه؛

·        د تره خېلو تنګي سرک، قیر فابریکې نه د تره خیلو، ده سبز ولسوالۍ مرکز میرعلم قلا، قلعه بالای ‎ده یحیی، پاچاصاحب پایمنار او د قصبې عمومي سړک جوړولو پروژه؛

·        د میدان وردګو ولایت جلریز ولسوالۍ د سنګ‎لاخ درې سړک جوړولو او بیارغونې پروژه؛

·        د نورستان ولایت له پل‎دهن نه تر منډول د دوآب سړک جوړېدو او بیارغاونې پروژې لومړۍ او دوېمه برخه؛

بل پلو د لوګر ولایت دڅرخ ولسوالۍ د اوبو برېښنا تولید کوچنۍ پروژې جوړېدو قراداد د مودې تمدید غوښتنه هم تصویب شوه.

جمهوررئیس غني د سړک  پروژو کې د تحرک رامنځته کېدو له امله د فوایدعامې وزارت وروستي اقدامات وستایل او ټېنګار یې وکړ، دغه وزارت دې د اوسنیو پروژو د بشپړولو او قراردادي شرکتونو د کار زیاته څارنه او پاملرنه وکړي.  

دغه راز ملي تدارکاتو کمېسیون د پکتیا ولایت د مچلغو بند د  ابتدایي ارزونې راپور وارزاوه او د راتلونکې پروسې د لا چټکې بشپړتیا په خاطر یې لازمې لارښوونې وکړې.

جمهوررئیس ټینګار وکړ، د یادو تدارکاتي پروژو بهیر د بشپړېدو په موخه دې د انرژۍ او اوبو وزارت، تدارکاتو ملي اداره او د افغانستان د شفافیت څار بنسټ ګډې هڅې وکړي او ډېر ژر دې موضوع بیا د تدارکاتو ملي کمېسیون ته د لازم تصمیم په خاطر وړاندې کړي.

بل پلو د زابل ولایت د ۱۰۰ بستریز روغتون د جوړېدو قراداد ورکړه د تدارکاتي اسنادو د لا زیاتې اروزنې په موخه بېرته ور وګرځول شوه.

ملي تدارکاتو کمېسیون دغه راز په کندهارکې د عمر فاروق (رض) جامع جومات د جوړولو پروژې په اړه د ښار جوړولو او سیمه ییزه ارګانونو خپلواکې ادارې پر وړاندیز غور وکړ او د ښار جوړولو وزارت یې مکلف کړ چې له سیمې څخه کتنه وکړي او د پروژې د وروستیو مرحلو په موخه دې خپل راپور د افغانستان اسلامي جمهوریت کابیني ته وړاندې کړي.

په دې غونډه کې د ملي تدارکاتو کمېسیون د رئیس او غړو ترڅنګ د ملي شورا د مالي او بودجې کمیسیون، د ولسي جرګې د ملي اقتصاد کمېسیون، سیګار، غوڅ ملاتړ سیستیکا او د افغانستان د شفافیت څار ملي او بین المللي څارونکو حضور درلود.#