یکشنبه , سپتمبر 27 2020
کور / خبرونه / افغانستان / افغانستان کې د امریکا هوايي بریدونه زيات شوي

افغانستان کې د امریکا هوايي بریدونه زيات شوي

د امریکایي رسنیو د راپور له مخې امریکا په تېره سپټمبر میاشت کې تر ۷۰۰ ډېر بمونه غورځولي دي. دا د امریکا په ۱۶ کلنه جګړه کې په یوه میاشت کې تر ټولو ډېر غورځول شوي بمونه دي. د معلوماتو له مخې د ټرمپ له تګلارې سره سم په افغانستان کې د امریکايي ځواکونو هوايي بریدونه ډېر شوي دي. تېره میاشت ۷۵۱ بمه غورځول شوي چې د روان کال د تېرو میاشتو په پرتله پوره ۵۰ سلنه لوړوالی ښيي. په دې توګه نو د ۲۰۱۷ کال له پيله تر دې دمه پر افغان خاوره د امریکا د بمباریو شمېر ۳۲۳۸ ته رسېږي. امریکا ویلي چې د خپلې نوې تګلارې له مخې به په افغانستان کې هوايي بریدونه لا ډېر کړي. د امریکا ددفاع وزیر په دې وروستیو کې د امریکا سنا ته د وینا پر مهال وویل، چې پر وسله والو به هوایي بریدونه ډېر کړي او ان هغه کسان به هم د هوايي بریدونو پر مټ له منځه یوسي چې له وسله والو سره اړیکې لري. دامریکايي ځواکونو بریدونه په داسې حال کې ډېرېږي چې ډېری افغان سیاستوال او د نظامي مسایلو شنونکي په افغانستان کې دغه بریدونه ګټور نه بولي ځکه تر ډېره پکې ملکي وګړو ته مرګ ژوبله اوړي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: