جمعه , نوومبر 27 2020
کور / خبرونه / افغانستان / افغان ځواکونو سره تازه نښتو کې ۵۴ ترهګر وژل شوي

افغان ځواکونو سره تازه نښتو کې ۵۴ ترهګر وژل شوي

دافغانستان په بیلابیلو سیمو کې امنیتي ځواکونو د طالب جنګیالو،داعشیانو او نورو ترهګرو ډلو په ضد دعملیاتو لړۍ تېزه کړې او ددفاع وزارت دعوه کوي چې په یو شواروز کې يې ۵۴ جنګیالي وژلي ډي.

افغان حکومت وایي دا مهال یې په هیواد کې ۲۱ ترهګرې ډلې فعاله دي چې وخت په وخت په افغان ځواکونو او دولتي تاسیساتو بریدونه کوي.

د افغانستان د ملي دفاع دوزارت لخوا په یو بیان کې ویل شوي چې په تیر یو شواروز کې افغان ځواکونو په ننګرهار،پکتیا،غزني،زابل، کندهار،جوزجان،بلخ،هلمند،فاریاب اؤ بغلان ولایتونو کې په وسله والو جنګیالو چټک بریدونه کړي او هغوئ ته یې درنه مرګ ژوبله اړولې ده.

ددفاع وزارت ویلي په دغو عملیاتو کې یې دجنګیالو ځالې دهوا څخه هم په نخښه کړي چې ۵۴ ترهګر پکې وژل شوي خو دا یې نه ده په ډاګه کړې چې د وژل شوؤ جنګیالو تعلق دکومو ډلو سره دی.

افغان پوځ سره په جګړه کې ښکېلو وسله والو طالبانو هم رسنيو ته پخپل یو بیان کې دافغانستان بیلابیلو سیمو کې په امنیتي ځواکونو دبریدونو اؤ هغوئ ته د زیانونو اړؤلو ادعاوې کړي دي.

په دې وروستیو کې دافغان امنیتي ځواکونو او وسله والو جنګیالو ترمینځ نښتو کې زیاتوالى راغلى او افغان حکومت دعوه کوي چې طالب وسله والو سره د پاکستان داستخباراتي شبکې ایي ایس ایي مرسته نوره ژډېره شوې ده، خو پاکستان ددغو تورونو منلو ته تيار شوى نه دى.

د کابل ترڅنګ واشنګټن او نوی ډیلی هم په اسلام اباد تورونه لګوي چې دترهګرو ډلو مرسته کوي او پخپله خاوره کې یې ورته خوندي ځالې ورکړي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: