جمعه , دسمبر 4 2020
کور / خبرونه / امریکا غوښتل پاکستان کې د اسامه د وژلو په څېر عملیات وکړي

امریکا غوښتل پاکستان کې د اسامه د وژلو په څېر عملیات وکړي

نیویارک ټایمز ورځپاڼه لیکي چې تېره میاشت د پاکستان د شمال ختیځ د یوې لرې پرتې سیمې د پاسه د امریکا یوې بې پيلوټه الوتکې پرواز کاوه چې یو ناعادي منظر یې ولید او هغه د وسله والو په یوه کمپ کې د یوې میرمنې او ماشومانو منظر و.

چارواکو ورځپاڼې ته ویلي پوځي چارواکو د کمانډو ځواکونو یوه ډلګۍ د ژغورنې عملیاتو لپاره تیاره کړه چې لاس په کار شي، خو د ځینې اندېښنو له امله دغه عملیات ونه شول.

بل ځل ولیدل شول چې وسلوالو دغه کاناډايۍ کورنۍ د پاکستان په هغو سیمو کې چې د ورځپاڼې په وینا له قانوني حاکمیت د باندې دي بل ځای ته لیږدوله.

نیویارک ټایمز لیکي د دغو معلوماتو له تر لاسه کولو وروسته په پاکستان کې د امریکا سفیر ډیویډ هیل د پاکستان حکومت ته بیړنی پيغام ورساوه چې د دغې کورنۍ د ژغورلو لپاره لاس په کار شي کنه دا کار به امریکايي ځواکونه وکړي.

ورځپاڼه زیاتوي که پاکستان داسې نه وای کړي نو امریکا به لکه د اسامه بن لادن د وژلو په څېر عملیات بیاکړي وی او دا به د پاکستان لپاره بله رسوايي وه.

نیویارک ټایمز زیاتوي، پاکستان هم بله چاره نه لرله ځکه که دغه کورنۍ یې نه وای ژغورلې نو د امریکایانو زړه ته به دا خبره لا ډېره لویدلې وه چې دغه هېواد حقاني ډلې ته خوندي پټنځي ورکوي، ځکه شواهد کره و.

نو همدا و چې پاکستان په څو ساعتونو کې د دغې کورنۍ د ژغورلو لپاره تیار شو او کورنۍ د امریکايي کره استخباراتي معلوماتو له مخې وژغورل شوه.

 

 

راپورونه وايي حقاني ډلې دغه پنځه کسه کورنۍ د دې لپاره اوږده موده ساتلې وه، چې تمه يې وه، د يادې ډلې له بنديانو سره به پرې د تبادلې سودا وشي، حقاني ډلې په هېڅ قيمت ياده کورنۍ نه خوشې کوله، خو کله چې وپوهېدل د پاکستان باور ورته له خپلو بندي غړو مهم دی، نو يې دغه کورنۍ پاکستانيو ځواکونو ته حواله کړه.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: