سه شنبه , اپریل 20 2021
تازه سر ټکي
کور / خبرونه / جماعت اسلامي وايي له تعليمي نصابه يې د پاچاخان نوم لرې کړی

جماعت اسلامي وايي له تعليمي نصابه يې د پاچاخان نوم لرې کړی

‎ خيبر پښتونخوا کې د جماعت اسلامي پخوانى ايالتي مشر پروفیسور ابراهیم وايي، د تحریک انصاف په مشرۍ ايالتي حکومت له نصابه د هغو کسانو نومونه ايستلي چې ده “سکيولر” وبلل.

‎ښاغلي ابراهیم له اکسپرېس ټريبيون ورځپاڼې سره په مرکه کې ویلې له تحريک انصاف سره په حکومت کې د جماعت اسلامې د ور گډېدو يو شرط همدا و چې د دۀ په وينا له نصابه به ټول هغه سکيولر توکې وباسې چې د نېشنل عوامي گوند حکومت له لوري په تعليمي نصاب کې ځاى کړل شوي وو.

‎د ښاغلي ابراهيم په وينا عوامي نیشنل او پیپلز گونډونو له تعليمي نصابه د اسلامې شخصیتونو په تړاو شته مواد لېرې کړي او د خان عبدالغفار خان، راجا داهر او رنجیت سنګ په څېر د ځينو سکيولر څېرو په اړه يې څپرکي ور زيات کړي و.

‎پروفيسور ابراهيم زياتوي د یوه هېواد تعلیمې نصاب د ولس په اخلاق جوړولو کې مهمه برخه لري. خان عبدالغفار خان د پښتنو سياسي مشر و چې پر هند د بريتانيا د نيواک پر وړاندې د خپلې مبارزې او د پښتنو له حقونو د دفاع له امله پېژندل شوې څېره ده.

عوامي نشنل گوند لا په دې تړاو کوم غبرگون نه دى ښودلى.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *