جمعه , نوومبر 27 2020
کور / خبرونه / افغانستان / دافغان ډاکتر لخوا جوړه اله په نړۍ کې بې سارې بلل شوې

دافغان ډاکتر لخوا جوړه اله په نړۍ کې بې سارې بلل شوې

د یوه افغان ډاکتر له لوري اختراع شوې طبي اله د سلګونو کسانو لپاره، چې د زنګون هډوکي یې مات شوي ول، په درد وخوړه.
د امریکا د متحدو ایالتونو په اوریګان ایالت کې د اورتوپیدي متخصص ریچارډ ګیلمن وايي، د افغان ډاکتر محمد اسماعیل وردګ له لوري جوړه شوې طبي اله په افغانستان کې د ۱۵۰۰ او په نورو هیوادونو کې د شاوخوا ۱۰۰ ناروغانو د درملنې لپاره کارول شوې او ښه نتیجه یې ورکړې ده.
له ډاکتر وردګ سره د کابل د محمد داوود خان د څلورسوه بستري روغتون بل متخصص ډاکتر عبدالرزاق سیاوش همکاري کړې ده.
دوی دواړه د اورتوپیدۍ متخصصان دي.
ډاکتر ګیلمن وايي چې د افغان ډاکترانو له لوري جوړه شوې اله یې دوه ځلې د زنګون د ماتېدو د تثبیت لپاره کارولې ده.
دا اله په نړۍ کې بې سارې بلل شوې او د زنګون د هډوکي د درملنې لپاره خورا ګټوره ده. دا اله ناروغ له بستري کېدو او د هغه پښه د پلستر کېدو له اړتیا ژغوري او وروسته له دې چې الې د ناروغ د زنګون ستونزه تشخیص کړه، هغه ته رخصت ورکول کېږي چې کور ته لاړ شي او عادي ژوند پیل کړي.
پر افغانستان سربېره په بنګله دېش، فلیپین، امریکا، هند، پاکستان او ګڼو نورو هیوادونو کې د زنګون د ماتېدو او کسر د درملنې لپاره دا اله کارول شوې ده.
د امریکا د روغتیا ملي انستیتیوت د زنګون د هډوکي کسر او ماتېدو د تثبیت لپاره د ډاکتر وردګ اختراع تر نورو ټولو طریقو اغېزمنه بللې ده.
د افغانستان ولسمشر محمد اشرف غني ډاکتر وردګ ته د طبي خدماتو په خاطر د سید جمال الدین افغان جایزه ورکړې ده.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: