چهارشنبه , نوومبر 25 2020
کور / خبرونه / افغانستان / دامريکايي ځواکونو په هوايي بريد کې تاجکستاني داعشيان وژل شوي

دامريکايي ځواکونو په هوايي بريد کې تاجکستاني داعشيان وژل شوي

په ننګرهار کې ځایي حکومتي چارواکي وایي په افغانستان کې میشت امریکایي ځواکونو د اسلامي دولت نومې ډلې یا داعش وسله والو د هسکې مینې ولسوالی په اړوند سیمه کې هوایي برید ترسره کړی دی.

چارواکي زیاتوي، چې په دغه هوایي برید کې د داعش ډلې دوه تاجکستاني وسله وال وزل شوي دي.

د ننګرهار ولایت مقام په یوه بیان کې لیکلي، چې د هسکې مینې ولسوالۍ په لنګرۍ کنډو سیمه کې نن غرمه شاوخوا دولس بجې د بې پیلوټه الوتکې په هوایي برید کې دوه داعش وسله وال چې د تاجکستان هېواد اصلي اوسیدونکي دي، ووژل شول .

خبرپاڼه زیاتوي، چې په دې برید کې بل چاته کوم زیان ندی اوښتی .

د دولت ضد وسله والې ډلې تر اوسه په دې اړه څه نه دي ویلي.

دا په داسې حال کې ده چې ځایي چارواکو تر دې وړاندې ویلي وو چې د خوږیاڼو ولسوالۍ په مربوطاتو کې يې د تېرو ۲۴ ساعتونو پر مهال د هوايي او ځمکنیو بریدونو په ترڅ کې ۵ داعش وسله وال وژلي او ۴ نور يې ټبيان کړي دي، چې د دوو وژل شوو داعشیانو جسدونه هم په سیمه کې پاتي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: