سه شنبه , دسمبر 1 2020
کور / خبرونه / قبايل / دپيژندپاڼو دفترونه دپاکستاني اقتصاد منابع ګرځیدلې دي

دپيژندپاڼو دفترونه دپاکستاني اقتصاد منابع ګرځیدلې دي

کارپوهان وايي تر پخوا افغان مهاجرو ته شناخته کارډونه اوس په لوړقیمت جوړیږي چې له ۵۰ تر یونیم لکو پورې یو کارډ جوړیدای شي خو کله چې دوه کاله وروسه هغه بلاک شي، دبل ځل لپاره بیا همدومره پسې ورکول کیږی، په همدې ترتيب دپآکستان دپيژندپاڼو دفترونه دپآکستاني اقتصاد منابع ګرځیدلې دي.

دا په داسې حال کې ده چې په کویټه کې مېشت افغان مهاجرو په وړاندې دپاکستاني امنیتي چارواکو لخوا سخت عملیات پیل شوي چې نژدې یوه اوونۍ کې زرګونه کورنه تلاشي شوي اوګڼ کسان نیول شوي دي. یاد پوځي عملیات دکوټې په پښتواباد ،نوې کلي اوځینو نورو سیمو کې پيل شوي،چې ځايي حکومتې یې په سیمه کې دناامنیو دپېښیدو له امله ګڼي.

 په سیموکې ځايي رسنیزو سرچینو دمسؤلو چارواکو له قوله ویلي چې دکویټې په پشتون آباد سیمه کې ددې اوونۍ پیله راهیسې پولیسو او سرحديسرتېرو دلټون عملیاتو کې نېږدې درې زره کورونه پلټلي او په دې ترڅ کې یې په ناقانونه توګه هستوګن دافغانستان ۲۴ وګړیو په ګډون څلور نور مشکوک کسان نیولي او له هغوی څخه یې دوې توپنچې هم ترلاسه کړي دي.

ځايي رسنۍ وايي چې شوې پېښې دبلوچستان په بېلا بېلو سیمو کې دبلوڅ بېلتونپالو او تندلارو ډلو لخوا ترسره کیږي، خو پآکستان حکومت په افغان مهاجرو دژوند کړۍ راتنګې کړې دی. سرچینې وايي چې دبلوچستان فرنټیرکور بریګېډیېر تصور عباس او دکوټې پولیسو مشر عبدالرزاق چیمه په کوټه کې یوې خبري غونډې ته په خپله وینا کې ویلي دي چې د لټون عملیاتو کې نېږدې ۸۰۰ پولیسو او سرحدي عسکرو ګډون کړی وو.

دچارواکیو په وینا له دوی څخه ۱۲۰ ډلې تشکیل شوې وې اوپه هره ډله کې درې سرحدي عسکر، دوه نارینه سرتېري او یوه ښځینه پولیس سرتېري پکې ګډون درلود چې دیوې ورځې په ترڅ کې یې تر درو زرو زیات کورونه وپلټل.

چارواکي وايي چې ترڅو په سیمه کې امنیت ښه شوی نه وي ددوی عملیات به دوام لري، هغوی وايي چې دوی غواړې په ځینو نورو سیمو کې هم ورته عملیات وکړي، چارواکو په کوټې کې دپرلپسې بمي چاودنو اومرګ ژوبلو له امله اپریشن پیل کړی،خوهغوی وايي چې ډيری سیمې لامشکوکې پاتې دی غواړي هلته هم عملیات وکړي.

خو بلخوا ځینې سرچینې چې دنوم ښودلو څخه ډډه کوي وايي چې عملیات یوه سیاسي اونفوذي اړخ لري، هغوی وايي چې دڅو اوونیو څخه راپدې خوا دبلوچستان په ګڼو سیموکې دافغان مهاجرو په نوم دثبت کارډونه جوړیږي، دوی وايي چې یوکارډ باندې پاکستاني چارواکوته له ۵ تر۲۰ شل زرو کلدارو نقدي رشوت ورکول کیږي.

 کارپوهان وايي تر پخوا افغان مهاجرو ته شناخته کارډونه اوس په لوړقیمت جوړیږي چې له ۵۰ تر یونیم لکو پورې یو کارډ جوړیدای شي خو کله چې دوه کاله وروسه هغه بلاک شي، دبل ځل لپاره بیا همدومره پسې ورکول کیږی، په همدې ترتيب دپآکستان دپيژندپاڼو دفترونه دپآکستاني اقتصاد منابع ګرځیدلې دي.

څو ورځې وړاندې دافغان مهاجرو دثبت دفتر دغه تورونه ردکړي چې ګواکې دوی دروشوت اخستلو لړۍ پیل کړې، خو یوافغان مشر رسینوته ویلي چې دوی دځینو کسانو تصویرې بڼې هم ښولای شي.

افغان مهاجرینو له افغان دولت اونړۍ والې ادارې غوښتې چې په دې اړه دې ژوره څیړنه وکړي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: