پنجشنبه , دسمبر 3 2020
کور / روغتيا / د امروت بې شمېره ګټې

د امروت بې شمېره ګټې

د یوه امروت بې شمېره ګټې
اوس د امروتو موسم پېل شوی دی. امروت ويټامین سي لري چې روغتيا ته ډېره ګټه رسوي. دلته په لنډ ډول د امروت ګټې تاسو ته وړاندې کوو.

۱- د سرطان د ناروغۍ د ګواښ لږول

په امروت کې د ویټامین سي، لایکو پين او نورو شتون د انټي-اکسیدانت دنده اجراء کوي چې بدن کې د زیان رسوونکو شیانو لوړوالی کموي، چې له امله يې د سرطان د ناروغۍ وده نیول کېږي.

۲- د شکر ناروغانو له پاره ګټور دي

امروت کې د فایبر شتون د شکرې ناروغۍ د زیاتېدلو مخه نیسي او د وینې شکره برابروي.

۳- زړه مو صحتمندوي

د امروتو د خوړلو له امله مو په جسم کې د مالګې (سوډيم) او پوتاشیم تر منځ توازن رامنځته کېږي. دغه توازن مو فشار کنترولوي. دغه مېوه مو جسم کې روغتيا ته د زیان رسوونکو کولیسترولو اندازه هم کموي. د کولیسترولو شتون ستاسو زړه ته ګواښ پېښولای شي.

۴- د قبض له منځه وړونکی

په امروتو کې ډېر فایبر شتون لري چې کولای شي هاضمه راوستو کې درسره مرسته وکړي او قبض مو له منځه يوسي.

۵- د سترګو دید ته مو ګټه رسوي

په امروتو کې ويټامین ای شتون لري چې کولای شي د سترګو روغتیا ته مو ګټه ورسوي. امروت نه يوازې د عمر په تېرېدو سره ستاسو په دید کې د کموالي راتللو مخه نيسي؛ بلکې د سترګو دید مو زیاتوي.

۶- د غاښونو درد مو کموي

امروت جراثیم له منځه وړلای شي. خوړل يې ستاسو د غاښونو د درد له پاره ګټور دي.

۷- ذهني ستړیا مو کموي

په امروتو کې د مګنیزیمو شتون ستاسو عضلې او اعصاب ارامولای شي. له ورځینۍ ستړیا وروسته د یوه دانه امروت خوړل مو عضلاتو ته ګټه رسوي، ذهني ستړیا مو کموي او اعصابو ته مو ارام ورکوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: