سه شنبه , دسمبر 1 2020
کور / روغتيا / د معدې تېزاب له طبعیی خوا‌ړو کنټرول کړی

د معدې تېزاب له طبعیی خوا‌ړو کنټرول کړی

د معدې تېزاب یو له عامو ناروغیو څخه دي چې اکثره له اندازې زیات خوړو له امله رامنځته کېږي. د معدې تېزاب هغو خوړو له امله چې د هاضمې لپاره د معدې د تېزاب تولیدولو لامل گرځي لکه مساله لرونکي او تېزابي خواړه له امله هم پېښېږي

د معدې تېزاب کنټرولول اړین دي. که چېرې دغه تېزاب کنټرول نه شي نه د اسید ریفلاکس (Acid Reflex) یا د معدې ریفلاکس (Gastroesophageal Reflex) ناروغیو لامل گرځي.

که چېرې د سېنی سوی یا دې ته ورته نورې نښې لکه اسهال، کمزوري، قی، ارگمی یا حتی ټوخی سره مخ شوي یاست نو له ځنډ پرته د معدې تېزاب کنټرولولو هڅه وکړئ.

دلته مو له یو شمېر هغو طبیعي او په اسانه پېدا کېدونکو خوړو سره اشنا کوو چې له ځنډ پرته د معدې تېزاب کنټرولولو وړتیا لري.

کېله

کیله د معدې تېزاب لپاره غوره انتخاب دی. کیله کې شته گټور مواد ډېر ژر د معدې تېزاب کنټرولوي. خو باید ډاډمن شئ چې یوازې پخه کېله وکاروئ ځکه چې اومه کیله د معدې تېزاب نور هم زیاتوي.

مستې

مستې د نورو روغتیايي گټو سربېره معدې کې د شته باکتریا گټې څو چنده زیاتوي. دغه خواړه هم په طبیعي ډول د معدې تېزاب درملوي. که چېرې له خوراک  وروسته مو د معدې تېزاب زیات شوی وي نو مستې يي له ځنډ پرته درملولی شي.

شېدې

یو گېلاس شېدې هم د معدې تېزاب درملولو کې مهم رول لوبوي خو شېدې او ترې جوړ شوي نور خواړه ځینو خلکو کې د تېزاب زیاتوالی لامل گرځي.

اوبه

که چېرې شېدې د معدې تېزاب مو نور هم زیاتوي نو یو گېلاس اوبه وڅښئ. اوبه د معدې خواړه هضموونکي تېزابونه کمزوري کولو وړتیا لري او له دې سره د معدې تېزاب هم کنټرولوي. که چېرې د معدې تېزاب لرئ نو هر سهار په نهره دوه گېلاسه اوبه څښل مو دغه ستونزه له منځه وړلای شي.

د مڼې سرکه

اکثره خلک یوازې له دې امله د معدې له تېزابیت سره مخ وي چې معده يي د خوړو هضمولو وړتیا نه لري نو له همدې امله اضافي خواړه هضموونکي مواد ترشح کوي. که چېرې تاسې هم له ورته ستونزې سره مخ یاست نو د مڼې سرکه وکاروئ.

یوه کاچوغه د مڼې سرکه یو گېلاس اوبو کې واچوئ او له خواړه وروسته يي وڅښئ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: