پاکستان وايي د افغانستان په مسئله کې د ټرمپ له لوري هند ته د ډېر رول ورکولو اندېښمن کړي دي. د پاکستان لومړي وزیر شاهد خاقان عباسي د ټرمپ له مرستیال مایک پنس سره د لیدنې پر مهال ویلي، چې د امریکا له لوري هند ته د افغانستان په مسئله کې د ډېر رول ورکولو اندېښمن کړي دي. نوموړي همدا راز زیاته کړې، چې د ټرمپ په څرګندونو کې پر اسلام اباد ټول لګول شوي تورونه بې بنسټه دي او اسلام اباد یې ردوي. د پاکستان د بهرنیو چارو وزارت مرستیالې تهمینه جنجوعه هم ویلي، چې دواړو لورو په افغانستان کې د هند د رول په اړه خبرې کړې دي. د نوموړې په وینا پاکستان اندېښنه څرګنده کړې، چې په افغانستان کې د هند د فعالیت ډېرېدل او لا فعال کېدل د پاکستان په زیان دي. تر دې وړاندې بیا افغان چارواکو له دې ډلې په پاکستان کې افغان سفیر عمر زاخیلوال په افغانستان کې د هند د رول په اړه د پاکستان اندېښنه بې ځایه بللې وه. د زاخیلوال په وینا افغانستان یو خپلواک هېواد دی او کولی شي له ډېرو هېوادونو سره ښې او نږدې اړیکې ولري.
