د کابل ځانمرګي برید په اړه د کرزي غبرګون او داعش ډلې ادعاوې

د افغانستان پخواني ولسمشر حامد کرزي په پلازمینې کابل ښار کې د تیرې ورځې ځانمرګي برید په کلکو ټکو وغانده او ټینګار یې وکړ چې په ورته بریدونو کې د بهرنیان ښکېل دي.

د پخواني له دفتر څخه په خپره شوې خبرپاڼه کې راغلي دي، چې ښاغلي کرزي د افغانستان بدخواهانو ته خبرداری ورکړی چې د افغان ولس به د بهرنیانو د دسیسو پر وړاندې به له یووالي، اتفاق، او قوي ارادې سره ودریږي او اجزه ور نه کړي چې د افغان ولس یووالي او رورولي ته ځیا ورسوي.

دا په داسې حال کې ده چې د اسلامي دولت نومې ډلې یا داعش وسله والو د تیرې ورځې برید مسئولیت په غاړه اخیستی دی.

یاد ډلې په یوه بیان کې لیکلي چې دغه برید د داعش ځانمرګي له خوا ترسره شوی دی او په ترڅ کې ګڼ شمېر کسانو ته مرګ ژوبله اوښتې ده.

د کورنیو چارو وزرات ویاند نجیب دانش وایي، د ځانمرګي برید په ترڅ کې لږ تر لږه پنځه کسان وژل شوي او شل نور ټپیان دي.

له دې وړاندې د پنجشنبې په ماښام هم د چاودنې په ترڅ کې لږ تر لږه درې کسان ووژل شول او شپاړس نور ټپیان شول.

د چهارشنبې په ورځ هم په پلازمینې کابل ښار کې د حامد کرزي هوایي ډګر ته څېرمه د وسله والو په ډلییز راکټي برید ګڼ شمېر کسانو ته مرګ ژوبله اوښتې.