شنبه , مارچ 6 2021
کور / خبرونه / سي.ای.اې په افغانستان کې خپل پټ عملیات پراخوي
President George W Bush visits CIA Headquarters, March 20, 2001.

سي.ای.اې په افغانستان کې خپل پټ عملیات پراخوي

د امریکا د استخباراتو اداره سي.ای.اې په افغانستان کې خپل پټ عملیات پراخوي چې په دې هېواد کې زیات وسله‎وال طالبان ووژني.

دا خبر نیویارک ټایمز ورځپاڼې د دوو لوړپوړو امریکایي چارواکو له قوله چې نومونه یې نه‎دي ښودل شوي، د یکشنبې په ورځ ورکړی دی.

د خبرله مخې سي.اې.اې به د تجربه کاره مامورینو کوچیني ټیمونه او قراردادیان افغانستان ته استوي چې د افغان ځواکونو په خوا کې سخت دریځي تعقیب کړي.

دغه نوې هڅې چې د تنظیم چارې به یې د سي.اې.اې د ځانګړو عملیاتو د برخې ملېشه افسران کوي، د ترهګرۍ په وړاندې د مبارزې د کوچینو ډلو له لوري به مخ ته وړل کېږي.

سي.ای.اې په افغانستان کې د خپل رول د پراخېدو په اړه د دغه راپور په باب له څرګندونو ډډه کړې خو که هغه عملي شي، دا به په دې هېواد کې د دې ادارې په هڅو کې بدلون وي.

له دې مخکې سي.اې.اې په افغانستان کې خپل فعالیتونه د القاعده شبکې په له‎منځه وړلو او د افغانستان د استخباراتو له ادارې سره په همکارۍ متمرکز کړي و.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *