جمعه , دسمبر 4 2020
کور / خبرونه / قبايل / شمالي وزيرستان ته د ننوتو نوې دروازه جوړه شوې

شمالي وزيرستان ته د ننوتو نوې دروازه جوړه شوې

د (اېف اربنو سیدګي) په نقطه کې شمالي وزیرستان ته د ننوتو دروازه جوړه او پرانسته يې شوې ده. په دې دروازه کې د نوو اسانتياوو او د تالاشۍ د کمپيوټري سيستم تابيا شوې ده.

د دغې دروازې رسمي پرانسته په شمالي وزيرستان کې موجود ميجر جنرل اظهر اقبال عباسي  وکړه. د دې پرانستې په وخت د فوځي افسرانو تر څنګ د پولیټیکل انتظامیې چارواکي او دسیمې مشران هم موجود وو.

ځايي مشرانو وويل دا د دوی غوښتنه وه، ځکه دغلته وړاندې د تالاشۍ پر وخت د خلکو ډېر وخت خرابېده او د اوږدې تالاشۍ له امله به ماشومان، زاړه او ناروغه کسان د ستونزو سره مخ وو. دوی وويل اوس به د نوو اسانتياوو او نوي سيستم له برکته اساني راشي.

پۀ دې دروازه کې د ګاډو او سپرليو د تلاشۍ او سکینګ لپاره ټول نوي سهولتونه موجود دي او نور به خلک وزیرستان ته د تلو او راتلو په وخت د کتار او انتظار د ستونزو سره نه مخ کېږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: