پنجشنبه , دسمبر 3 2020
کور / خبرونه / فلسطيني لاريونيان د اسرايلي ځواک له غبرګون سره مخ شوي

فلسطيني لاريونيان د اسرايلي ځواک له غبرګون سره مخ شوي

د تړمپ له پرېکړې وروسته چې د امریکا سفارت به بیت المقدس ته لېږدوي، فلسطینیانو اعتراضونه کړي چې، د اسرائیلي ځواکونو له توند غبرګون سره مخ شوي دي.

د اسرائیلو هوايي بریدونو کې لږترلږه لس فلسطینیان ټپیان شوي.

اسرائیل وایي، دا برید یې له غزې نه د توغندي توغولو په غبرګون کې کړی.

فلسطیني سرچینو ویلي، په ټپیانو کې دوه ماشومان هم دي.

اسرائیلو وروسته تر هغه پر غزې برید وکړ، چې فلسطینیانو د امریکا د ولسمشر ډونلد ټرمپ له پرېکړې وروسته مظاهرې وکړې، خو فلسطینیان د اسرائیلي ځواکونو له غبرګون سره مخ شوي دي.

په دې نښتو کې لږترلږه یو کس وژل شوی. د فرانسې خبري اژانس د یو بل کس د وژل کېدو خبر هم ورکړی.

همدې اژانس د اسرائیلي ځواک په خبره ویلي، د غزې لخوا یو راکټ پر اسرائیلو هم توغول شوی خو تر اوسه يې د مرګ ژوبلې په اړه کره معلومات نه دي ورکړل شوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: