شنبه , سپتمبر 26 2020
کور / خبرونه / فیفا د پاکستان د فوټبال فدراسیون غړیتوب وځنډاوه

فیفا د پاکستان د فوټبال فدراسیون غړیتوب وځنډاوه

فیفا یا د فوټبال نړیوالې ادارې د پاکستان د فوټبال فدراسیون غړیتوب د سملاسي ځنډولو اعلان وکړ.

فیفا د چهارشنبې په ورځ د یوه بیان په خپرولو سره وايي، د دې فدراسیون د اکتوبر ۱۰ نېټې غونډه کې دا پرېکړه شوې.

لامل یې هم د پاکستان فوټبال فدراسیون کې د نورو ادارو لاسوهنه بلل شوې ده.

فیفا دا پرېکړه د دې لپاره کړې چې د پاکستان فوټبال فدراسیون اداري کنټرول د محکمې له خوا ټاکلی منتظم په غاړه لري.

دا د یوې ازادې ادارې په توګه د پاکستان د فوټبال فدراسیون د چارو خنډ کېږي.

فیفا په خپل بیان کې وايي، د پاکستان غړیتوب به هغه مهال پر ځای شي چې کله د فوټبال فدراسیون د دفترونو او بانکي حساب واک دې فدراسیون ته وسپارل شي.

له دې پرېکړې وروسته د فیفا د قانون د ۱۳ مادې له مخې د پاکستان له فوټبال فدراسیون ټول حقونه اخیستل کېږي.

د پاکستان فوټبال فدراسیون او د هغه اړوند ټول کلبونه په نړیوالو سیالیو کې ګډون نشي کولی.

له دې وروسته دا فدراسیون او اړوند ډلې یې د فیفا او اسیا فوټبال فدراسیون په کوم پرمختیايي پروګرام، کورس یا روزنه کې برخه نشي اخیستلی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: