پنجشنبه , نوومبر 26 2020
کور / خبرونه / قبايلي علاقې به د پښتونخوا برخه وګرځي؟

قبايلي علاقې به د پښتونخوا برخه وګرځي؟

په اسلام آباد کې د فاټا په اصلاحاتو کې د ځنډ خلاف د بیلابیلو سیاسي گوندونو احتجاجي غونډې ته د خیبر اینجسۍ نه د قامي اسمبلۍ غړي شاه جي گل افریدي وویل وزیراعظم د فاټا په خیبر پښتونخوا کې د شاملولو او په اینده عام انتخاباتو کې فاټا ته په صوبايي اسمبلۍ کې د چوکو ورکولو خبره ومنله.

خو شاه جي گل دا خبره واضحه نه کړی شوه چې د وزیراعظم شاهد خاقان عباسي په لوظونو به عملي کار کله شروع کیږي.

د گل، دوشنبې، په ورځ د زرگونو په شمیره کې د مخلتفو سیاسي گوندونو فعالینو د فاټا په اصلاحاتو کې د مرکزي حکومت د ځنډ خلاف د پارلیمنټ مخې احتجاجي مظاهره وکړه.

د مظاهرې زیاتره برخه وال د خیبرپښتونخوا او قبایلي سیمو نه د قافلو په شکل کې اسلام آباد ته رسیدلي وو.

مظاهره لا روانه وه چې شاه جي گل افریدي، باجوړ نه د قامي اسمبلۍ غړی شهاب الدین خان او د کرمې ایجنسۍ نه د قامي اسمبلۍ غړی ساجد توري د وزیراعظم سره ملاقات ته ورغلل.

شا او خوا څلور گنټې ورسته د فاټا درواړه غړي د مظاهرې ته بیرته ورغلل. د واک من پاکستان مسلم لیگ (ن) یو اهم مشر امیرمقام هم په دې موقع د فاټا د پارلیمنټ غړو سره په سټیج موجود و.

احتجاجي غونډې ته د وزیراعظم سره د خپل ملاقات په اړه شاه جي گل وویل وزیراعظم ورسره فاټا په خیبر پښتونخوا کې د شاملولو او په فاټا باندې د انگریز د وخت ایف سي ار قانون د ختمولو خبره ومنله.

 

دپاکستان حکومت له دې وړاندې اعلان کړی ؤ چې قبائیلي سیمو نه به ایف سي ار قانون ختمولی، دغلته به اصلاحات په ځایې کولی اؤ فاټا به دخیبر پښتونخوا برخه جوړولی شي خو دفاټا نه دپارلیمان غړي اؤ بیلابیل سیاسي ګوندونه وایي چې حکومت اوس دخپلې دغه ژمنې نه په شا شوی دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: