چهارشنبه , دسمبر 2 2020
کور / خبرونه / مکین: دافغانستان د ستراتیژۍ په اړه معلومات غواړو

مکین: دافغانستان د ستراتیژۍ په اړه معلومات غواړو

د امریکا د سنا جرګې د پوځي خدماتو د غښتلې کمېټې مشر وویل، تر هغو به د ولسمشر ټرمپ دفاع وزیر ته د اعتماد رایه ورنه کړي چې د افغانستان په اړه د ټرمپ د نوې ستراتیژۍ په باب د ده له کمېټې سره معلومات شریک شوي نه وي.

جان مکین، چې د سنا جرګې ريیس او د امریکا د کانګریس د جمهوریپال ګوند مخکښ سناتور دی، د افغانستان په قضیه کې ځانګړې لېوالتیا لري.

مکین، چې د اریزونیا ایالت سناتور دی، وايي چې د ده کمېټه د دې لپاره چې د ولسمشر ټرمپ دفاع وزیر تایید کړي د افغانستان په اړه زغردو او ښکاره معلوماتو ته اړتیا لري.

«که معلومات رانه کړای شول، موږ دا کار نه شو کولی.»

ټرمپ د اګست په وروستیو کې د مکین له سختو انتقادونو وروسته د افغانستان لپاره نوې ستراتیژي اعلان کړه چې پر اساس یې په افغانستان کې د امریکايي پوځیانو شمېر زیاتېږي او له دې هیواده د امریکايي پوځیانو د ایستلو مهالوېش، چې د اوباما په دوره کې اعلان شوی و، لغو کېږي.

خو له دې سره سره د مکین لپاره دا د قناعت وړ نه ده.

مکین په افغانستان کې د امریکايي پوځیانو د پاتې کېدو غوښتونکی دی او وايي، باید امریکا تر هغو له دې هیواده پوځیان ونه باسي چې ټول تروریستان ځپل شوي نه وي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: