سه شنبه , سپتمبر 29 2020
کور / خبرونه / قبايل / نواز بګتي: پاکستان د یوې منظمې پالیسۍ له مخې زرګونه بلوڅ فعالین وژلي دي

نواز بګتي: پاکستان د یوې منظمې پالیسۍ له مخې زرګونه بلوڅ فعالین وژلي دي

بلوڅان وايي پاکستان هڅه کوي دوی یې له خپلې خاورې ورک کړي. د بلوڅو د جمهوریت ګوند استازي او فعال، عبدالنواز بګتي د سویس په ژنیو ښار کې د ملګرو ملتونو د بشري حقونو په شورا کې په بلوجستان کې د پاکستان لخوا د بشري حقونو پر سرغړونو خبرې کړې دي. بوگتي ویلي، په بلوچستان کې له بشري حقونو سرغړونې دوام لري، د پاکستان پوځ د خپلو بدنامه تگلارو په مرسته هڅه کوي، چې بلوڅان له خپل ټاټوبي څخه ورک کړي، په بلوچستان کې په زرگونه بلوڅان له کومې نښې پرته تري تم شوي دي. په بلوچستان کې د هغو بلوڅانو په زرگونه مړي چې مخکې ورک شوي اوشکنجه شوي موندل شوي دي. بلوڅ فعالین وایي د ۳۵۰۰۰ تري تم شویو بلوڅانو له ډلې ۸۰۰۰ وژل شوي دي، چې په هغوی کې د ۴۰۰۰ مړي موندل شوي او پاتې ۴۰۰۰ د هدفي وژنو ښکار شوي دي. شورا ته په خپلې وینا کې بګتي وویل چې زرګونه خلک له بلوچستان څخه لادرکه شوي دي. د بلوڅو فعالانو په باور پاکستان د یوې منظمې پالیسۍ له مخې کوښښ کوي چې بلوڅان و‎ځپي. خو پاکستان وایي چې هند او افغانستان په بلوچستان کې نا ارامیو ته لمن وهي

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: