چهارشنبه , نوومبر 25 2020
کور / خبرونه / پاکستان / نوښار کې یو کس ځان له درېيو بچيو سره سيند ته غورځولی دی

نوښار کې یو کس ځان له درېيو بچيو سره سيند ته غورځولی دی

 نوښار کې يو کس له خپلو درېيو بچو سره ځان د کابل سيند ته غورځولی دی، پوليسو ويلي د بدرشي عيسی خيل اوسيدونکي عالمګير خپل درې کلن او پنځه کلن ځامن، دانيال او عاطف او اووه کلنه لور ردا د چکر په بهانه کور نه بوتلي وو او سور پل منځ ته په رسيدو يې دري واړه د کابل سيند ته غورځولي او وروسته يې خپله هم سيند ته دانګلي دي.
ځايي کښتۍ چلوونکو د ډيرو هڅو نه وروسته عالمګير ژوندی، خو د هغه درې کلن زوی يې مړ موندلی دی، ځايي خلک وايي د نورو دوو ماشومانو لټون هم روان دی، مګر تر دې دمه لا نه دي موندل شوي.
د نوښار ځايي پوليس وايي عالمګير دوی ته ويلي دي چې دی په کويټ کې مزدوري خواري کوي او اوس اوس خپل ملک ته راغلی دی، هغه ويلي د ملک نه بهر به يې څه ګټل نو هغه به يې خپلې مېرمنې ته بچيو ښه روزنې او ساتنې لپاره رالېږل، خو اوس چې يې وليدل، نو مېرمنې يې د يوې مور په حيث د بچيو ښه ساتنه او پالنه نه ده.
نوموړي ويلي له همدې امله يې دغه ګام پورته کړی دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: