پنجشنبه , اپریل 22 2021
تازه سر ټکي
کور / خبرونه / افغانستان / ولسمشر غني د هند پلازمینې نوي ډهلي ښار ته ورسید 

ولسمشر غني د هند پلازمینې نوي ډهلي ښار ته ورسید 

افغان ولسمشر محمد اشرف غني د یو لوړپوړي پلاوي په مشری نن سهار د هند پلازمینې نوې دهلي ته ورسید.

ارګ ماڼی وایي، په دفاعي چارو کې د هند د دولت وزیر او نورې لوړپوړي هندي چارواکي له ولسمشر غني سره د هند په پوځي هوایي ډګر کې هرکلی وکړ.

په پام کې ده چې ولسمشر غني د خپل یو ورځني سفر په لړ کې له خپل هندي سیال رامنات کووېند او د هند له لومړی وزیر نرندرا مودي سره وګوري.

د هند ولسمشر او لومړی وزر سربېره، ټاکل شوې ده چې د بهرنیو چارو وزیرې سوشما سواراج هم له ولسمشر غني سره وګوري.

هند ته د ولسمشر غني د امریکا د بهرنیو چارو وزیر سفر په داسې حال کې ترسره کیږي چې د امریکا د متحده ایالاتو ولسمشر ډونالډ ټرمپ کابو دوه میاشتې مخکې د سویلي اسیا لپاره د واشنګټن نوې ستراتیژي اعلان کړه.

هند په تېرو شپاړس کلونو کې د افغانستان په بیارغونه شاوخوا دوه میلیارد ډالر لګولي، د ملي شورا ودانۍ، سلما بند او د زرنج – دلارام لویه لار هغه سترې پروژې دي چې د هند له خوا پرې سلګونه میلیون ډالر لګول شوي دي.

تیر کال هم د هند حکومت افغانستان سره د یو میلیارد ډالرو په ارزښت یو نوي مرستو بسته اعلان کړه.

د هند لومړي وزیر نرېندر مودي افغانستان لپاره د خپلو مرستو ژمنه تکرار کړه او د بېلو پلانونو لپاره یې د نژدې یو میلیارد ډالرو مرستې ژمنه وکړه.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *