پنجشنبه , اپریل 22 2021
تازه سر ټکي
کور / خبرونه / قبايل / پاکستاني مقامات د ډينګي په مخنيوي کې پاتې راغلي

پاکستاني مقامات د ډينګي په مخنيوي کې پاتې راغلي

په په خېبر پښتونخوا کې د ډينګي ناروغۍ نه د مړه شوؤ کسانو شمېره ۵۰ ته رسېدلې او يواځې په تېرو ۲۴ ساعتونو کې د ۱۳۷۰ تنو د ډينګي تبې ټېسټونه شوي دي.

د صوبې د صحت روغتيايي ادارې ويلي، د شنبې د مازيګر پينځه بجو نه تر يکشنبې مازيګره پورې د ډينګي دوه ناروغان مړه شوي دي.

دې ادارې ويلي، په تېر شواروځ کې ۱۳۷۰ کسانو د ډينګې ټېسټونه شوي ۳۵۰ کسان اغېزمن شوي په روغتونونو کې ۱۱۲ نور ناروغان داخل کړی شوي دي.

روغونونو کې د داخل ناروغانو شمېره ۳۵۵ ده او نن ۹۸ کسان د روغتونونو نه فارغ کړی شوي دي.

پېښور کې خلک اوس هم په صوبايي حکومت نيوکې کوي چې واکمن د ډينګي په قابو کې پاتې راغلي دي.

خو چارواکو ويلي نن يې د پېښور په هاغو سيمو کې چې د ډينګي نه اغېزمنه دي د خلکو د خبرولو دپاره لاریون کړی دی.

پېښور کې د تهکال علاقه تر ټولو زياته د ډينګې نه اغېزمنه شوې او چارواکي وايي هڅه کوي چې زر تر زره دغه وايرس قابو کړي.

چارواکي وايي بايد خلک هم ځان پوهه او خبر کړي چې په کورونو کې او بهر ښکاره اوبه ډنډ کېدو ته نه پرېږدي او د صفايۍ ډېر خيال وساتي چې د ډينګي خاتمه وشي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *