شنبه , سپتمبر 26 2020
کور / خبرونه / افغانستان / پاکستان د بیروني فشار له امله تکتیکي بدلون رامخې ته کوي

پاکستان د بیروني فشار له امله تکتیکي بدلون رامخې ته کوي

د افغانستان د ملي امنیت پخوانی رئیس رحمت الله نبیل د پاکستان لخوا د افغانستان د امن کولو او یا د ترهګرۍ ضدمبارزه کې هرډول ژمنې بی ځایه او د وخت ضایع کیدل ګڼي.

ښاغلي نبیل د اشناتلویزیون سره په مرکه کې وویل چې د پاکستان نظامیانو په افغانستان کې د نظامي مداخلو سربیره، اوس په سیاسي چارو کې هم مداخله پیله کړې ده او د پاکستاني حاکمیت په هیڅ ډول خبرو باور نه دی په کار.

نبیل پدې باور دی چې کله هم پر پاکستان د نړیوالې ټولنې یا د امریکا له لورې فشار زیات شي نو د خپل فعالیت ښودلو په خاطر د کابل سره د خبرو بهیر پیلوي خو هیڅ کله د افغانستان په ګټه ګام نه اوچتوي.

د پاکستان د پوځ لوی درستیز جنرال قمرجاوید باجوه او ورسره پلاوی يي نن په کابل کې د جمهور رئیس غني او نورو امنیتي مقاماتو سره اوږدې خبرې درلودې. ارګ وایي په دې کتنه کې د سیمې د امنیت، دوه اړخیزه اړیکو، سولې او ثبات، له تروریزم سره د مبارزې، د ترانزیټ او سوداګرۍ او د افغانستان او پاکستان ترمنځ د منځ مهالو او اوږدمهالو اړیکوپه اړه بحث او خبرې وشوې.

خو ښاغلی نبیل وایي د ریاست په دوران کې يي داسی شواهد ولیدل چې د پاکستان نظامیان په د حقاني او کوټې شورا کې د طالبانو په څير ډلو سره يي مستقیمه همکاري کوله او په افغانستان کې يي د نظامي بریدونو لارښوونې ورکولې.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: