سه شنبه , سپتمبر 22 2020
کور / خبرونه / افغانستان / پر وسله والو طالبانو هوايي بريدونه شوي

پر وسله والو طالبانو هوايي بريدونه شوي

د غور امنيتي چارواکي وايي، چې په دې ولايت کې د امنيتي ځواکونو هوايي عملياتو کې ۱۷ وسله والو طالبانو ته مرګ ژوبله اوښتې ده.

د غور د امنيه قوماندانۍ وياند محمد اقبال نظامي رسنيو ته وويل، دا عمليات تېره شپه د مرکز اړوند غلمين سيمه کې ترسره شوي، چې په پايله کې يې لس طالبان وژل شوي او اووه تنه نور ټپيان دي.
هغه زياته کړه، طالبانو په غلمين سيمه کې ماينونه ښخ کړي، نو ځکه د امنيتي ځواکونو ځمکني عمليات ښه پرمختګ نه لري.
د نظامي په وينا، په ياده سيمه کې د امنيتي ځواکونو د شاوخوا يوې اونۍ عملياتو په ترڅ کې يو د ملي اردو سرتېری او يو سيمه ييز پوليس ټپيان شوي دي.
وسله والو طالبانو تراوسه په دې اړه څه نه دي ويلي.
شاوخوا دوه مياشتې کېږي، چې د غور ولايت غلمين سيمه د طالبانو تر ولکې لاندې راغلې او اوس مهال هم د هغوی په کنټرول کې ده.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: