سه شنبه , سپتمبر 29 2020
کور / خبرونه / افغانستان / پر کونړ د پاکستان راکټي حملو زيات شمېر کورنۍ بې خايه کړي

پر کونړ د پاکستان راکټي حملو زيات شمېر کورنۍ بې خايه کړي

د کونړ ولایت چارواکي وايي چې د پاکستاني پوځیانو د حملو له کبله له سرحدي ولسوالیو تر ۲۵۰ زیاتې کورنۍ بې ځایه شوي دي. د دوی په وینا په وروستۍ یوه اوونۍ کې د کونړ پر شلتن، مرورې او دانګام ولسوالیو د پاکستان له لوري د توپ نژدې ۳۰۰ ګولۍ لګېدلي دي.

د کونړ چارواکي په همدې حال کې وايي، وروسته له دې چې د افغانستان حکومت امر وکړ چې د پاکستان حملو ته دې ځواب وویل شي، پاکستان د توپونو بریدونه کم کړي دي.

پاکستان تراوسه پورې په دې اړه څه نه دي ویلي خو پخوا یې ویلي چې یوازې پر هغو پاکستاني طالبانو بریدونه کوي چې د افغانستان له لوري د پاکستان خاورې ته وراوړي او پر پاکستاني پوستو بریدونه کوي.

د کونړ امنیه قوماندان پاسوال جمعه‌ګل همت وویل چې د سرکاڼو په ولسوالۍ باندې پرون ۱۴ راکټونه لګېدلي، خو د مرګ ژوبلې په اړه ‌یې جزئیات نه‌شته.

 تېره اوونۍ د کونړ په څو ولسوالیو سلګونه راکټونه ولګېدل او د افغانستان دفاع وزارت هم پوله‌ساتو ځواکونو ته د ځوابي اقدام امر وکړ.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: