په قبايلي سيمه باجوړ ايجنسۍ کې د خاورې د غر راخوېدو پېښه کې د پينځه جينکو په ګډون اووه تنه مړه شوي او دوه جينکۍ ژوبل شوي دي.
باجوړ کې د خاورې د غر راخوېدو پېښه نن د جمعې په ورځ د اتمانخېل تحصيل په ګردۍ ګنداؤ علاقه کې رامنځته شوې ده.
د ځایي چارواکو په وينا پيښه نن سهار ګردي ګنداو سيمه کې رامخې ته شوې ده. دغلته ځايي خلکو د غره له يوې برخې خاوره کندله، چې د خاورې کمر پرې راشکېدلی دی.
د دې پېښې له امله د پنځو نجونو او يوې ښځې په ګډون اووه کسه د خاورو له ډېرو رايستل شوي دي، خو د نورو کسانو لټون هم روان دی او د ځايي خلکو لخوا په ګډه مرستندويه هلې ځلې دوام لري.
