دوشنبه , مارچ 1 2021
کور / خبرونه / افغانستان / چارواکي: په ننګرهار کې ۱۵ داعش وسله والو ته مرګ ژوبله اوښتې

چارواکي: په ننګرهار کې ۱۵ داعش وسله والو ته مرګ ژوبله اوښتې

د ننګرهار ولايت په خوږياڼو ولسوالۍ کې د داعش ځپلو په هدف د پيل شوو سېلاب څلور، نهم نمبر عملياتو په ترڅ کې د تېرو ۲۴ ساعتونو په مهال نهه داعش وسله وال وژل شوي او شپږ تنه نور ټپيان دي.
د ننګرهار ولايت د رسنيو دفتر وايي، په عملياتو كې د هيرويينو يوه فابريکه هم له منځه وړل شوې ده.
سرچينه زياتوي، د تېرو ۲۴ ساعتونو په ترڅ كې د تلفکانو تپه، وتى کلى، ډنډ راغه او د کمبو مکتب سيمې د داعشيانو له شتونه پاکې شوې دي.
د سرچينې په وينا، په روانو عملياتو کې ملکي وګړو ته کوم زيان نه دى اوښتى.
داعش ډلې تراوسه په دې اړه رسنيو ته څه نه دي ويلي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *