جمعه , دسمبر 4 2020
کور / خبرونه / افغانستان / کابل کي انفجارِي وسایل نیول شوي
Image processed by CodeCarvings Piczard ### FREE Community Edition ### on 2017-06-15 07:46:56Z | http://piczard.com | http://codecarvings.com

کابل کي انفجارِي وسایل نیول شوي

د افغانستان د ملي امنیت عمومي ریاست په پلازمېنه کابل کې د ماین او ځانمرګو واسکټونو د یوه کارځی له کشف او ویجاړولو خبر ورکړ.

د ملي امنیت د څرګندونې له مخې؛ دغه کارځی د طالبانو یوې تروريستي شبکې جوړ کړی و، چې دوه کسه یې له امنیتي ځواکونو سره په نښته کې وژل شوي دي.

د دغه ریاست په خبرپاڼه کې راغلي، چې امنیتي ځواکونو د کابل ښار د پېنځمې ناحیې په اړوند سیمه کې د مقناطیسي ماینونو، ځانمرګو واسکټونو او چاودیدونکیو توکو پر زیرمه برید کړی، چې په کې یې د چاودیدونکیو توکو د جوړولو بېلابېل کاري وسایل کشف او ویجاړ کړي دي.

خبرپاڼې زیاته کړې، چې دغې شبکې غوښتل د کابل ښار په بېلابېلو سیمو کې ستر ترورستي بریدونه تر سره او د سلګونه هېوادوالو ژوند واخلي.

ملي امنیت دا هم په ډاګه کړې، چې د یاد کارځي دوه کسه مسوولین ضیاالرحمن او آصف له امنیتي ځواکونو سره په نښته کې وژل شوي دي.

د یادونې وړ ده، چې په تېرو دوه میاشتو کې څو ترورستي ډلې، چې غوښتل یې په کابل ښار کې ستر بریدونه ترسره کړي؛ امنیتي ځواکونو نیولي او یا یې له منځه وړي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: