شنبه , مې 8 2021
تازه سر ټکي
کور / اسلاميات / کيــــــنه او د هغه ناوړه پایلې!

کيــــــنه او د هغه ناوړه پایلې!

کيــــــنه او د هغه ناوړه پایلې:

بِـــــــــسْمِ الّلهِ الْــــــــــرَحْمن ِالْـــــــرَحِیْم

أَمْ يَحْسُدُونَ النَّاسَ عَلٰى مَآ ءَاتٰىهُمُ اللَّهُ مِن فَضْلِهِۦ ۖ فَقَدْ ءَاتَيْنَآ ءَالَ إِبْرٰهِيمَ الْكِتٰبَ وَالْحِكْمَةَ وَءَاتَيْنٰهُم مُّلْكًا عَظِيمًا

او ايا دوى پر نورو له دې امله رخه كوي چي الله پر هغو خپل فضل پيرزو کړيدى؟ – كه دا خبره وي، نو دوی ته دي معلومه وي چي موږ خو د ابراهيم (ع) اولاد ته كتاب او حكمت ورکړی او ستره باچاهي مو وربښلې ده.
دکینې او کرکې په اړه رسول الله صلی الله علیه وسلم فرمایی:

إِيَّاكُمْ وَالْحَسَدَ فَإِنَّ الْحَسَدَ يَأْكُلُ الْحَسَنَاتِ كاَمَا تَأْكُلُ النَّارُ الْحَطَبَ (ابوداود)
د حسد او بغض څخه تيښته وکړئ ځکه چي حسد اوبغض نیکي داسي خوري لکه اور چي بوټي خوري.

بل ځای کې رسول الله صلی الله علیه وســـــلم فرمایی:

لَاتَقَاطَعُوْاوَلاَتَدَابَرُواوَلاَتَبَاغـــــــَضُواوَلاَتَحاسَدُواوَکُونُواعِبَادَاللهِ اِخوَانًا.
(بخاري)
ژباړه:
خپل په منځ کي اړېکې مه شلوي اويودبل په ناکامه کېدو پسې مه کېږي اويوپربل غصه مه کوي او په خپل  منځ کې حسداو کینه مه کوي او اې د الله تعالی بنده ګانوټول د وروڼوپه شان واوسېږي!!

حسد د يو نعمت د لرې كېدو په مانا دى، يانې حاسد دا تمه كوي، چې يو چاته د الله لخوا وركړل شوى نعمت بېرته لرې شي او نوموړى سړى ترې محروم او بې برخې شي.
په اسلام كې حسد او حاسد دواړه ډېر بد ګڼل شوي دي او مسلمانانو ته امر شوى، چې  له حسد څخه ځان وساتي او حسد په اسلام كې حرام او ناروا دى.
الله خپل پيغمبر ته امر كړى، چې بايد د حسد او د حاسد له شر څخه پنا وغواړي.
پدې هكله په قرآن كريم كې دا سورت راغلى دى: (قُلْ أَعُوذُ بِرَبِّ الْفَلَقِ * مِنْ شَرِّ مَا خَلَقَ * وَمِنْ شَرِّ غَاسِقٍ إِذَا وَقَبَ * وَمِنْ شَرِّ النَّفَّاثَاتِ فِي الْعُقَدِ * وَمِنْ شَرِّ حَاسِدٍ إِذَا حَسَدَ)
“من شر حاسد إذا حسد” مانا دا چې كله حاسد خپل حسد را ښكاره كړي، د خپل حسد سره سم عمل وكړي او محسود ته پرې ضرر ورسوي.

حسد او كينه څو درجې لري:

لومړی :
يو انسان دا خوښوي، چې د  خپل مسلمان ورور څخه يې يو نعمت لرې کړي او هغه ترې محروم کړي   او تل د خلكو په خوشاليو، نعمتونو او خوښيو دردمند كېږي، چې دا د حسد لوړه درجه او ګناه يې ډېره ده.

دويم : يو انسان له بل څخه د نعمت  د لرې كېدو هيله كوي او هغه نعمت د ځان لپاره غواړي. دا ډول حسد هم حرام دی .

دريم: يو انسان د بل په څېر د ځان  لپاره هم همغه نعمت غواړي او دا تمه نه كوي، چې ګواكي له هغه بل مسلمان څخه دې نعمت لرې او هغه دې ترې محروم شي. دا ډول لېوالتيا جايزه ده او دا حسد نه دى، بلكې هرڅوك كولاى شي، چې د بل په څېر ځان ته د يو نعمت هيله وكړي.چه دغه ډول ته غبطه هم ویل کېږی

حسد كوونكى نورو  ته هېڅ تاوان نه شي رسولاى او د ځان لپاره ډېر تاوانونه رسولاى شي، چې ځينې يې دادي:

۱- ګنهګارېږي، ځكه حسد حرام دى.
۲- له الله ج سره بې ادبي كوي، ځكه د هغه په مهربانۍ باندې تعرض كوي او الله ج په خپلو كړو وړو كې تېروتى بولي.
۳- تل غمجن وي، زړه يې كښانه او سرګردانه وي.
نو موږ ټولو مسلمانو وروڼو ته دا  اړینه ده چې له حسد او كينې څخه ځان وژغورو، بلكي د خلكو په موجوده نعمتونو نور هم خوشحاله شو، پدې سره به مو خپل زړونه خوشحاله او الله ج به مو هم   راضي کړی وی . مسلمانانو ته ښآيي چي د يوه نعمت ترلاسه کولو  لپاره هڅه او کوښښ وکړي، چې الله ج نوموړي سړي ته تر هغه بل ښه او غوره نعمت وركړي .

د حسد او کینې پایلې:

ساینسپوهان په اوسنۍ پرمختللې نړۍ کې تنها مکروبونه  د انسان د روغتیا دوښمن نه ګڼي، بلکې دا وایي چې ځنې وختونه پخپله انسان هم د خپل ځان دوښمن کېږي. منفي افکار او له ځانه جوړ شوي ذهني فشارونه، په همدې اړه یو مثال دی.

د انسان ځانګړی چلند او تګلاره د ګڼ شمیر ناروغیو بنسټيز لامل دی.

پوهانو د ځانګړو غبرګونونو تر سیوري لاندې ګڼ شمیر نیمګرتیاوې راسپړلې دي، د څیړنو پر بنسټ په ښکاره او روښانه توګه کينه او کرکه د زړه د ناروغیو زیانونه څو برابره ډېروي او دا ډول خلک د زړه په بېلابېلو ناروغیو اخته کوي، له همدې امله ډاکټران  دزړه ناروغانو ته مشوره ورکوي چې له ذهني فشار  اوکینې نه ځانونه وژغوري او تل دا خبره ورته په ګوته کوي چې په هره معامله کې سخت چلند د زړه سره لویه بې انصافي او جفا ده.  نو اړینه ده چه له خپلمنځي شخړو او نفرتونو تېر شو او د سو کاله او خوښ ژوند لپاره کوښښ وکړو

هغوی چه په خپلو کې دالله ج په ورکړ شوو نعمتونو له یو او بل سره کینې کوي دالله ج دغه ارشاد ته پام ندی چه فرمایی:

سُوۡرَةُ الزّخرُف :

أَهُمْ يَقْسِمُونَ رَحْمَتَ رَبِّكَ ۚ نَحْنُ قَسَمْنَا بَيْنَهُم مَّعِيشَتَهُمْ فِى الْحَيٰوةِ الدُّنْيَا ۚ وَرَفَعْنَا بَعْضَهُمْ فَوْقَ بَعْضٍ دَرَجٰتٍ لِّيَتَّخِذَ بَعْضُهُم بَعْضًا سُخْرِيًّا

يوه تبصره

  1. buy stromectol online uk – ivermectin 50ml price of stromectol

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *