دوشنبه , مارچ 1 2021
کور / خبرونه / افغانستان / اشرف غني او د ډاکټر عبدالله په ګډ حکومت کې تر اوسه ۴۰۰۰۰ افغانانو ته مرګ ژوبله اوښتې ده

اشرف غني او د ډاکټر عبدالله په ګډ حکومت کې تر اوسه ۴۰۰۰۰ افغانانو ته مرګ ژوبله اوښتې ده

د ملګرو ملتونو د افغانستان د وضعیت ارزونې پلاوی وایي، چې د ملي وحدت حکومت له پیله تر اوسه لږ تر لږه ۴۰۰۰۰کسانو ته مرګ ژوبله اوښتې ده او نږدې ۱۳ میلیونه وګړي بیړنیو بشري مرستو ته اړتیا لري. یادې څرګندونې پرون د ملګرو ملتونو لوړپوړي پلاوي د افغانستان د وضعیت ارزونې وروسته کړې دي. د ملګرو ملتونو د عمومي منشي مرستیال مارک لاوکاک وویل، چې د ملي وحدت حکومت له پیله تر اوسه په افغانستان کې شاوخوا ۴۰زره کسان وژل شوي او یا ټپیان شوي دي. ملګري ملتونه په داسې حال کې د مرګ ژوبلې د ډېرېدو خبره کوي چې اوس هم د هېواد په بیلابیلو سیمو کې د افغان امنیتي ځواکونو او طالبانو تر منځ وسله والې نښتې روانې دي او وخت پر وخت د دې پراخو بریدونو ویرې د هېوادوالو ذهنونه نا ارام کړي دي. دا په داسې حال کې ده، چې یاد پلاوي دغه راز ویلي و، چې په افغانستان کې د وچکالۍ له امله هم په زرګونو خلک بې ځایه شوي او شاوخوا ۱۳میلیونه افغانان بېړنیو بشري مرستو ته اړتیا لري.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *