دوشنبه , فبروري 17 2020
کور / خبرونه / افغانستان / افغانستان کې دډیرې واورې اورښت د وچکالې کچه ټیټه کړی ده

افغانستان کې دډیرې واورې اورښت د وچکالې کچه ټیټه کړی ده

د هوا پېژندنې ادارې راتلونکو څو ورځو کې د ډېرې واورې د ورېدو او بارانونو اټکل کړی دی. له تېرو دوو ورځو راهیسې د هېواد په ډېرو ولایتونو کې واوره ورېدل پیل شوې، چې له عامو خلکو یې د سختې وچکالۍ وېره ختمه کړې ده. د هوا پېژندنې ادارې نن هم په فاریاب، غزني، پکتیکا، میدان وردګ، بامیان، غور، سرپل، پنجشېر، نورستان، کونړ، روزګان، کاپیسا او بدخشان ولایتونو کې د واورې او باران اټکل کړی دی. یادې ادارې د اټکل له مخې، په هرات، بادغیس، خوست، پکتیا، لوګر، لغمان، بغلان، سمنګان، جوزجان، بلخ، تخار، کندوز، زابل، د کندهار ختیځه برخه او بدخشان د واورې او باران اټکل شوی دی. پرون مازیګر د سالنګونو د ساتنې او څارنې مشر جنرال رجب ویلي وو، چې د سالنګ په سویلي او شمالي برخو تر ۷۰ سانتي مترو پورې واوره ورېدلې، چې د بارو وړونکو موټرو پرمخ یې د سالنګ لویه لاره تړلې ده. په روان ژمي کې د نورو کلونو په پرتله سږکال واورې او بارانونه کم ورېدلي، چې د سختې وچکالۍ وېره یې پیداکړې وه. یوه اوونۍ وړاندې د کابل د چاپېریال ساتنې ادارې اندېښنه ښودلې وه، چې په کابل کې تر ځمکې لاندې اوبه ۳۰ سانتي متره ښکته شوي او که واوره او باران ونه شي؛ نو د کابل ښاریان به د اوبو له کمښت سره مخ شي. د تېرې پنج شنبې په ورځ ولسمشرۍ ماڼۍ له خلکو غوښتي وو، چې د وچکالۍ د ختمېدو او د واورې او بارانونو د غوښتو لپاره د استسقا لمونځ وکړي. تراوسه د اوسنیو واورو او بارانونو کوم زیان نه دی اړولی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: