افغان دیبلوماتان د پاکستاني دولتي هکرانو تر برید لاندې

پاکستان کې د افغان سفارت سرچینو مخصوصو رسنیو ته ویلي، چې ځینو مامورینو ته یې روانه میاشت د ګوګل له خوا خبرداری ورغلی، چې ګني هکران یې د برېښنالیکونو د پټو نومونو غلا کولو هڅه کوي.
تېره اونۍ، د بښنې نړیوال سازمان هغه جزییات په ډاګه کړل چې د پاکستان پر پوځ د نیوکه کوونکو فعالانو پر کمپیوټرونو او ټیلېفونونو د ویروس د نصبولو هڅې شوې وې.

پوځ د استخباراتو د ملامتۍ په تړاو ددغو ادعاوو په اړه غبرګون نه دی ښودلی.

وروسته تر هغه چې ګوګل افغان دیپلوماتانو ته خبرداری ور واستاوه، د یوه افغان دیپلومات برېښنالیک هک شو او پخپل سر به یې مشکوک ضمیمه شوي فایلونه استول، خو دی نه و پرې خبر.

په دا ډول برېښنالیکونو کې د پښتون ژغورنې غورڅنګ په څېر د مشهورو پرلتیانو د غونډو انځورونه هم وو. په حقیقت کې دغه ضمیمه شوي فایلونه کرکجن ښکارېدل، خو د ډاونلوډولو وړ نه وو.

پښتون ژغورنې غورځنګ پر پاکستاني پوځ تور لګوي چې په هېواد کې یې د ترهګرۍ ضد جګړې په پلمه د بشري حقونو اړوند جرمونه کړي.

د دغه غورځنګ ملاتړ او بنسټګر څو سوله ییز پرلتونه کړي، خو لانجمن شوي ځکه دي چې د پاکستان پر استخباراتي ادارې په نامعمول ډول مستقیمې نیوکې کوي.