افغان کرکټ لوبډلې بنګلدیش لوبډله په دریمه لوبه کې هم ماته کړه

د افغانستان کرکټ ملي لوبډله د دوو اړخیزو شل اوریزو سیالیو په لړ کې نن بنګله دیش ته د ۱ منډی په توپیر ماتې ورکړه.

د لوبې پچه افغانستان وګټله او لومړی یې د توپ وهني پرېکړه وکړه.

افغانستان د ۶ لوبغاړو په سوځېدو بنګله دیش ته ۱۴۶ منډې هدف وټاکه او سمیع الله شینواري د ۳۳ منډو په جوړولو تر نورو ډېرې منډې جوړې کړې.

پر نوموړي سربېره محمد شهزاد ۲۶، اصغر ستانکزي ۲۷، عثمان غني ۱۹، نجیب الله ځدران ۱۵، شفیق الله ۴، او محمد نبي ۳ منډې جوړې کړې.

ورپسې بنګله دیش لوبغاړو لوبه پیل کړه چې د ۵ لوبغاړو په سوځېدو یې یوازې ۱۴۴ منډې جوړې کړای شوې او په دې توګه افغانستان د ۱ منډی په توپیر دا سیالي وګټله.

د بنګله دیش درې لوبغاړي درې لوبغاړي مجیب الرحمن، محمد نبي او راشد خان وسوځول.

دا په داسې حال کې ده چې افغانستان په لومړی لوبه کې بنګله دیش ته د ۴۵ منډو په توپیر ماتې ورکړه او د سې شنبې په شپه دوهمه لوبه د شپږ ویکټو په توپیر ګټلی و