چهارشنبه , جنوري 20 2021
کور / خبرونه / بين المللي / ایران د منځني ختیځ په نا ارامیو کې لاس لري

ایران د منځني ختیځ په نا ارامیو کې لاس لري

ایران دې په افغانستان کې د طالبانو له ملاتړه لاس واخلي. د امریکا د بهرنیو چارو وزیر د ایران په اړه د امریکا پرېکړه اعلان کړه. نوموړي وویل، ایران په سیمه کې د طالبانو، حزب الله او دې ته ورته نورو ترهګرو ډلو ملاتړ کوي او د منځني ختیځ په نا ارامیو کې لاس لري. د امریکا د بهرنیو چارو وزیر مایک پمپیو وویل، امریکا به پر دغه هېواد داسې بندیزونه وضع کړي، چې تر دې دمه پر هېڅ هېواد نه وي وضع شوي. د پمپیو په خبره له دې بندیزونو د خلاصون لپاره ایران باید په افغانستان کې د طالبانو او په سیمه کې د نورو ترهګرو ډلو له ملاتړه لاس واخلي. دده په خبره ایران باید له سوریې خپل عسکر وباسي، د عراقي خاورې استقلال ته درناوی وکړي، په سیمه کې د ترهګرو ډلو ملاتړ پرېږدي، خپل اټومي پروګرام په بشپړه توګه ودروي، نړیوالو څارونکو ته اجازه ورکړي، چې د ایران د توغندیو جوړولو بهیر وڅاري او نړیوالو قوانینو ته دې درناوی وکړي. پمپیو ویلي، تر هغه چې د ایران په تګلاره کې دوامداره او قوي بدلونونه را نه شي امریکا به هم خپل بندیزونه ورباندې کم نه کړي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: