چهارشنبه , جنوري 20 2021
کور / خبرونه / بين المللي / ایران وایي د برېښنا ښه مشتریان یې افغانستان،پاکستان او عراق دي

ایران وایي د برېښنا ښه مشتریان یې افغانستان،پاکستان او عراق دي

د ایران د انرژۍ وزير رضا اردکانین وايي، هېواد یې د ۲۰۰۰ میګاواټه صادراتي برېښنا د تولید ظرفیت لري. دده په خبره دمګړی یې د سیمې له هېوادونو سره خبرې پیل کړې دي چې ددغه برېښنا د پلور او صادراتو پر سر هوکړې ته ورسره ورسېږي او یوه منظمه برېښنايي شبکه رامنځ ته کړي. دده په خبره د برېښنا ښه مشتریان یې افغانستان، پاکستان او عراق دي. نوموړي زیاته کړې چې یادو دریو هېوادونو ته به یې د برېښنا صادرات ډېر کړي او په دې توګه به یې د هېواد د برېښنایي سکتور صادرات هم ډېر شي. نوموړي زیاته کړې چې له روسیې او د منځنۍ اسیا له هېوادونو سره هم د ایران مذاکرات روان دي څو وکړی شي له یادو هېوادونو سره د یوې هوکړې له مخې د برېښنا منظمې او پراخې شبکې جوړې کړي. افغانستان په جنوبي ولایتونو کې له ایران برېښنا وارده کړې ده. دغه برېښنا وخت ناوخت له ایراني لوري قطع کېږي او په شپو شپو یې راتګ ځنډېدلی وي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: