جمعه , اکتوبر 30 2020
کور / خبرونه / افغانستان / تخار ولایت کې ۲۳ ښوونځي تړل شوي دي

تخار ولایت کې ۲۳ ښوونځي تړل شوي دي

د تخار د پوهنې رياست وايي چې له تېرو څو ورځو راهيسې وسله والو طالبانو ددغه ولايت ٢٣ ښوونځي تړلي دي. د پوهنې رييس عبدالسميع ابديار وويل چې وسله والو طالبانو ۱۵ ښوونځي په درقد، ۴ په خواجه بهاوالدين او درې په ينګي کلا ولسوالۍ کې تړلي او يو بل ښوونځی د جګړې له امله په خواجه غار ولسوالۍ کې تړل شوی دی. د درقد ولسوال سيف الدين مشتاق بيا وايي، طالبانو ګواښ کړى چې که د دوى د پوهنې رييس خوشې نه شي؛ نور ښوونځي به هم وتړي او د ټاکنو بهير به هم له خنډ سره مخ کړي. خو د والي وياند سنت الله تېمور وايي، دوی نه شي کولی چې د طالبانو د پوهنې رييس له بنده خلاص کړي. تېمور وايي، له طالبانو سره معامله ناشونې ده. وسله والو طالبانو تر اوسه په دې اړه څه نه دي ويلي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: