چهارشنبه , مارچ 3 2021
کور / خبرونه / افغانستان / تیره جولای میاشت کې د افغانستان په ۲۲ ولایتونو کې ۲۳۲ ملکي وګړي وژل شوي

تیره جولای میاشت کې د افغانستان په ۲۲ ولایتونو کې ۲۳۲ ملکي وګړي وژل شوي

تیره جولای میاشت کې د افغانستان په ۲۲ ولایتونو کې ۲۳۲ ملکي وګړي وژل شوي او ۳۱۳ تنه ټپیان شوي دي. د ملکي وګړو د خوندیتوب او عدالت غوښتنې ډله ” سي اې پي جي ” چې هره میاشت په افغانستان کې د ملکي وګړو د خوندیتوب په اړه راپورونه خپروي په خپل تازه راپور کې ویلي، چې تیره میاشت تر ټولو ډېره مرګ ژوبله په ځانمرګو او هوایی بمباریو کې اوښتې ده. د دغې ډلې د راپور له مخې په تېره جولای میاشت کې تر ټولو زیات تلفات په ننګرهار، کابل، پکتیا او کندز ولایتونو کې اوښتې دي. د یادې ډلې د شمېرو له مخې، په تېره میاشت کې د ملکي وژل شو کسانو په شمېر کې د جون د میاشتې پرتله د پام وړ زیاتوالی را غلی، خو د ټپیانو په شمېر کې بیا د جون د میاشتې پرتله په جولای کې کموالی لیدل کیږي. د ثبت شوو شمېرنو له مخې په تېره میاشت کې ۲۳۲ ملکي افغانان وژل شوي او۳۱۳ نور ټپیان شوي دي. د دې ډلې مشر عزیز احمد تسل وویل، چې ملکي وګړو ته ډېر تلفات په ځانمرګو او هوایي بریدونو کې اوښتي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *