دوشنبه , مارچ 1 2021
کور / خبرونه / افغانستان / جوزجان ولایت کې د وسله والو پر وړاندي عملیات د ځنډ ښکار شوي دي

جوزجان ولایت کې د وسله والو پر وړاندي عملیات د ځنډ ښکار شوي دي

د جوزجان امنیتي چارواکي وایي، چې دې ولایت ته د مرستندویه ځواک په استولو کې ځنډ د دې سبب شو چې په خماب او قرقین ولسوالیو کې د طالبانو پر وړاندې عملیات لا هم نه دي پیل شوي. د یاد ولایت امنیه قومندانۍ د امنیت امر عبدالحفیظ خاشع وویل، د دې دوو ولسوالیو ډېری سیمې د طالبانو په ولکه کې دي. هغه وویل، چې مرکز ته یې د تازه دمو ځواکونو د استولو ویلي خو ورته پر وخت نوی ځواک نه دی رسېدلی او دوی پوځي مرستې ته سخته اړتیا لري. د راپورونو له مخې د جوزجان ولایت خماب ولسوالي دوه اونۍ وړاندې وسله والو طالبانو ونیوله او چارواکو وروسته وویل چې د قرقین ولسوالۍ پر ډېرو سیمو هم طالبانو ولکه ټینګه کړې ده.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *