دوشنبه , جنوري 25 2021
کور / خبرونه / افغانستان / ختیځ ننګرهار کې داعش وسله وال وژل شوي دي

ختیځ ننګرهار کې داعش وسله وال وژل شوي دي

په افغانستان کې میشت امریکایي ځواکونو د ننګرهار ولایت په ده بالا ولسوالی کې هوایي برید ترسره کړی چې له امله یې د داعش درې تنه ماین خښوونکي وژل شوي دي.

په ختېځ کې د ملي پوځ ۲۰۱ سیلاب قول اردو په یوه بیان کې ویلي، چې د داعش تروریستي ډلې ۳ تنه ماین خښوونکو تېره ورځ د ننګرهارولایت ده بالا ولسوالی د پاپين په سیمه کې یوه ماین ځای پرځای کاوه چې همزمان ورباندې د ائتلاف قواوو بې پیلوټه الوتکې هوایي برید ترسره کړی چې په ترڅ کې یې یا دماین خښوونکي وژل شوي دي .

د دولت ضد وسله والې ډلې اکثراً له امونیم نایټریټ څخه د سړک په غاړې په ماینونو کې کار واخلي په داسې حال کې چې افغان چارواکي وایي په دغو بریدونو کې اکثرا عام وګړي وژل کیږي.

په افغانستان کې د ملګرو ملتونو مرستندویه پلاوي یا یوناما د بشري حقونو په یوه ځانګړي رپوټ کې چې څو ورځې مخکې خپور شو، وایې چې دولتي ضد عناصر باید په هغو سیمو کې چې ملکیان اوسیږي، د تعبیه شویو چاودیدونکو توکو بې توپیره او نامناسبه کارونه ژر تر ژره بنده کړي.

”د تعبیه شویو چاودیدونکو توکو د قصدي او بې توپیره کارونې له امله افغان ملکي وګړو ته د زیانونو زیاتوالی“ تر عنوان لاندېدغه ځانګړی رپوټ د جنورۍ له لومړۍ نیټې څخه د سپټمبر تر دیرشمې د تعبیه شویو چاودیدونکو توکو له امله د ملکي وګړو د مرګ ژوبلې چټک زیاتوالی مستند کړی، چې د جګړې له امله د ملکیانو د مرګ ژوبلې نږدې نیمایي برخه جوړوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: