جمعه , اکتوبر 30 2020
کور / اقتصاد / داعش لخواه استخراج شوي مواد اول پاکستان ته ځي او بیا امریکا ته

داعش لخواه استخراج شوي مواد اول پاکستان ته ځي او بیا امریکا ته

یوه تازه خپاره شوي راپور کې ویل شوي چې افغانستان کې داعش یا اسلامي دولت نومې ډله د افغانستان د ټالک په نوم کانونه په غېر قانوني ډول وباسي چې بیا پاکستان او له هغه ځایه بیا امریکا او د اروپایي اتحادیې هېوادونو ته رسېږي.
ټالک talc powder یو ډول پسته ډبره ده چې د ماشومانو د مخ پوډر ترې جوړېږي.
د ګلوبل وټنیس په نوم یوه مرکز له لوري خپور شوي راپور کې راغلي چې داعش ډله هر کال د دغو کانونو له ایستلو لسګونه زره ډالر ترلاسه کوي.
رویټرز اژانس چې دغه راپور یې لوستی لیکي چې راپور کې د افغانستان د کانونو د وزارت په حواله راغلي چې د روان کال تر مارچ میاشت پورې داعش پنځه لکه ټنه ټالک له افغانستانه بهر صادر کړي دي.
راپور کاږي چې د دغو صادر شویو نږدې ټولو ټالکو زیاته برخه پاکستان ته تللې چې له هغه ځایه بیا صادر شوي دي. پاکستان د امریکا درېیمه برخه ټالک برابروي.
نېک ډنوون چې ګلوبل وټنیس کې یو مدیر دی وایي چې ناخبره امریکایي او اروپایي کاروونکي په بې پامۍ د سختدریځو له تمویلولو سره مرسته کوي.
دغه راپور کې د افغانستان ختیځ ولایت ننګرهار ته اشاره شوې چېرته دغه منرال په زیاته اندازه شته. راپور کې ویل شوي چې داعش دغه ولایت کې د همدې کانونو پر سر له طالبانو سره په جګړه بوخت دی.
راپور کې د داعش د یوه لوړ پوړي قومندان له خولې لیکل شوي چې دغه ولایت کې د کانونو کنټرول ترلاسه کول زموږ لومړیتوب دی. قومندان ویلي چې موږ به په هر قیمت له مافیا څخه د دغو کانونو کنټرول ترلاسه کړو.
افغان امنیتي چارواکو ننګرهار ولایت کې د دوی له کنټروله بهر د ټالک او کرومایتو د کانونو په اړه اندېښنه څرګنده کړې ده.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: