دجال څوک دی، نښې يې څه دي او ظهور به يې کله کيږي؟

د دجال لغوي معنا :

دجال دعربي ژبي توری دی اوماده يي دجل ده چي ددروغو په معنا کارول کيږي او دجال فعال وزن دی چي په پيښو کي ډير دروغجن ته ويل کيږي .

د د جاﻻنو په اړه رسول الله صلی الله عليه وسلم وړاندوينه فرمايلې چي په وروستۍ زمانه کي به ډير دجاﻻن وي . معنا داچي ډير کسان به په ځمکه کي دفساد داچولو او دروغو ويلو له کبله د دجال د لقب ترﻻسه کولو وړ وي، والله اعلم. (لکه چي خپله رسول الله صلی الله عليه وسلم په خپله زمانه کي دابن صياد په اړه فرمايلي وو (هذا دجال من الدجاجلة) يعني دا هم يو دجال دی له دجاﻻنو څخه ) .
دنبوي احاديثو شارحينو د نوموړي حديث په تشريح کي ويلي چي :ښايي له دغد ګڼو دجاﻻنو څخه به د رسول الله صلی الله عليه وسلم مراد هغه دروغجنان وي چي وخت ناوخته دالوهيت يا نبوت دوغجني دعوې کوي چي آن دا اوس يي هم لړۍ روانه ده .
له مطبوعاتو څخه به مو اورېدلي وي چي همدا څه موده وړاندې دپاکستان دﻻهور په ښارکي يو متقاعد ډګروال (يوسف کذاب)دنبوت دعوا وکړه چي دځايي محکمې لخوا په دروغو او اسلام ته په سپکاوي تورن او جيل ته وليږل شو چي وروسته بيا ديوه بل بندي (غازي) لخوا په جيل کي دننه ووژل شو .
ددې حديث له مخي په اوس مهال کي امريکي ولس ټرمپ يا عمران خان وغيره هم دگڼو علماء كرامو دتعبيراتو او تشريحاتو له مخي دجال ويل كيداي شي.

ځكه دغه خلک په ځمکه کي دفساد خپرولو ښه تجربه لري او پخپلو بيانونو کي يي ځان دخداي لخوا دترهه ګرو دنوغي ايستلو لپاره رسول بللی.

دمسيح الدجال چي زمونږ په ټولنه په دجال پيژندل کيږي فتنه يوه خورا ستره فتنه او دقيامت له غټو نښو څخه يوه لويه نښه بلل کيږي.
رسول الله صلی الله عليه وسلم فرمايلي چي دجال داسي فتنه ده چي نه تردې وړاندي په انساني تاريخ کي داسي فتنه راغلي او نه به تردې وروسته راشي .

پالونکي څښتن د دجال دفتنې په ازمويښت سره غواړي چي ريښتين او منافقين سره بيل کړي ترڅو مسلمانان جنت او منافقين دوزخ ته ور ټيل وهي .

1-د دجال څيره اونښې نښانې:

دجال به ځوان او دعبدالعزی بن قطن په شان به ښکاريږي، غنم رنګی به وي او ګاړګوتي ويښتان به يي وي، دواړه سترګ، به يي عيبجني وي، ښۍ سترګه به يي کاڼۍ (کږه)وي او چپه سترګه به يي غټه اودانګور په شان دباندي خواته راوتلي وي، په تندي (ټڼډه) به يي کافر په داسي تورو ليکلي وي _ک – ف – ر _ چي د اليکنه به هر مسلمان ويلی شي اګرکه هغه امي هم وي، دجال به په يوه داسي خره (مرکب) سپوروي چي د دوواړو غوږونو ترمنځ به يي د څلويښتو ﻻسونو په اندازه لري والی وي، تګ به يي لکه د هوايا وريځ په شان تيزوي.
(پدې اړه علماو ويلي دي چي هوا او وريځ به ممکن له تيزتلو څخه کنايه وي چي له دې څخه داوس زمانې الوتکه هم مراد کيدﻻي شي . والله اعلم)

دجال به په ډيره چټکۍ سره په ټوله نړۍ کي راوګرځي (پرته له يوڅو ځايونو)، او په هرلوري به فساد خپورکړي، دجال به لومړی دنبوت بيا دخدايي دعوه کوي، له هغه سره به دخوراک لويه زيرمه موجوده وي، دځمکي پټوخزانو ته چي امروکړي نو هغه به ټولي دباندي شي او دده تر شا به شي، مور زاده ړوند او ابرص (برګی) (پيس) به جوړوي، الله تعالی به له هغه سره شيطانان راواستوي چي هغه به له خلکو سره خبري کوي، په همدې بنسټ به دجال يوه کليوال (دکلي اوسيدونکي ) ته ووايي چي که زه ستا مور اوپلار راژوندي کړم نو خدايي به مي منې ؟
کليوال به ژمنه وکړي چي هو نو دهغه مخي ته به دوه شيطانان دهغه دمور او پلار په څيره کي راشي او ورته وبه وايي چي ځويه ته د دجال پيروي وکړه داستا پالونکی دی، همدا راز به دوه ملايکي له دجال سره وي چي د دوو نبيانو په څير به وي دخلکو دآزمويلو لپاره به ددجال تکذيب داسي کوي چي خلکو ته به تصديق څرګنديږي، څوک چي ددجال تصديق وکړي هغه به کافر کيږي او څوک چي يي تکذيب وکړي دهغه ټول ګناهونه به بښل کيږي.
ددجال له پيروانو پرته به ټول خلک په تکليف اخته وي، له هغه سره به يو باغ او يو اور وي ليکن په حقيقت کي به باغ اور او اور باغ وي، دجال به په اره باندي يو مسلمان ځوان دوه ټوټې کړي بيا به ورچغه کړي چي راشه هغه به دخداي په امر سره ژوندی شي دجال به پوښتنه ورڅخه وکړي چي ووايه ستا پالونکی څوک دی؟ هغه به ورته ووايي چي ځما پالونکی خداي دی اوته دخداي دښمن دجال يي اوځما ترنورکله نن ﻻهم ستا په دجالتوب يقين شو> دجال ته به ددغه يوه سړي له وژلو اوژوندي کولو پرته دبل چاپه وژلو او ژوندي کولو ځواک نه ورکول کيږي، له عيسی عليه السلام څخه پرته به يي هيڅوک دوژلو ځواک نلري اوداسي نور………

3-ددجال دظهور ځاي اوزمانه:

لکه مخکي چي مو وويل دجال دقيامت له نښو يو نښه ده، ځکه به نو دده ظهور دزمانې پاي بلل کيږي، دجال به دشام او عراق په منځ کي راوځي او د اصفهان ښار په يوه ځاي (يهوديه) کي به يي خلک ويني .

4-هغه سيمي چي دجال نشي ورتلاي :

دجال به مکې مکرمې ، مدينې منورې ،او

بيت المقدس ته نشي داخليداي، په هغه وخت کي به دمدينې اووه دروازې وي (ممکن له دروازو څخه لاري مرادوي)، دمدينې اومکې په هره ﻻره به ملايکي څارنه کوي ترڅو دجال مکې او مدينې ته ننه نوځي، ځکه به نوهغه له مدينې دباندي (په ظريف احمرځاي کي دتروشي ځمکي په پاي اودخندق تر منځ اوسيږي)، او له مدينې دباندي به دهغه غلبه وي، په هغه وخت کي به په مدينه کي دری زلزلې وشي چي له کبله به يي هر منافق نر او ښځه له مدينې څخه ووځي او دا منافقان به ټول له دجال سره يوځاي شي، ښځي به تر ټولو ړومبی ددجال پيروي کوي، لنډه دا چي مدينه به له منافقانو پاکه شي ځکه به هم دې ورځي ته (يوم النجات) ويل کيږي .

5- په نړۍ کي دجالي فتنه اوموده يي :

په احاديثو کي راځي چي ددجال موده به په نړۍ کي څلويښت ورځي وي چي لومړۍ ورځ به يي لکه کال دوهمه به يي لکه مياشت دريمه به يي لکه اونۍ اونوري ٣٧ ورځي به يي پخپل عادي حالت ولاړي وي .(کچيري مونږ کال ٣٦٥ ورځي او مياشت ٣٠ ورځي او اونۍ ٧ ورځي فرض کړونودادرې ورځي موده به لکه ٤٠٢ ورځي دومره اوږدي شي اوبياچي دانوري ٣٧ ورځي ورسره يوځاي کړو نو داڅلويښت ورځنۍ موده به لکه ٤٣٩ ورځي دومره اوږده شي لنډه داچي داموده به لکه ١٤ مياشتي اودوه ورځي دومره وي . والله اعلم ) .
ددجال په اړه ټولو پيغمبرانو خپلو امتونوته دهغه نښي نښاني ښودلي خو زمونږ خوږپيغمبر حضرت محمد صلی الله عليه وسلم بيا ترټولو ډيري او روښانه بيان کړي .
6 -ددجال وژنه دحضرت عيسی عليه السلام په ﻻس :امام مهدي عليه السلام چي له دجاله مخکي به يي ظهور شوی وي به له دجال سره په غزا بوخت وي . مسلمانان به دامام مهدي ترمشرۍ ﻻندي دبيت المقدس په يوه غره چي (جبل الدخان) نوميږي سخت محاصره وي .دمسلمانانوسرلښکر (امام مهدي) به هغوي ته وفرمايي چي راځۍ جنګ پيل کړو ترڅو يافتحه ترﻻسه کړو يا دشهادت جامونه په غاړو واړوو .پدې شپه کي چي خورا تياره به وي يو غيبي آوازوشي چي ستاسي غمخور راغی دابه دحضرت عيسی عليه السلام دراتلو زيری وي . دحضرت عيسی عليه السلام له راتلو وروسته به له دجال اودجاليانوسره جګړه پيل شي دجال چي حضرت عيسی عليه السلام وويني نوداسي به په ويليدو شي لکه مالګه په اوبو کي (علماو ويلي چي کچيري خداي پاک دجال ته دحضرت عيسی عليه السلام په ﻻس اودهغه په توره وژل نه واي مقدر کړي نو دجال به په همدې ځاي ويلي شوی وو) . دجال به له حضرت عيسی عليه السلام څخه په تيښته شي . حضرت عيسی عليه السلام به ورته وفرمايي چي تښته مه خلاصيداي نه شي ځما يووار پالونکي څښتن ستا لپاره ټاکلی پدې وخت کي به له حضرت عيسی عليه السلام سره دوه توري او يوه پيشقبضه موجوده وي چي په هغې باندي به حضرت عيسی عليه السلام دجال په باب لُد کي (چي په په فلسطين کي ديوه ځاي نوم دی چي اوس پرې غاصبو اسرائيلو هوايي ډګر جوړ کړی ) ووژني .
7-ددجال له فتنې څخه ځان ژغورنه :دحديثو په کتابونو کي راځي چي هر څوک چي دسورۀ کهف لومړي لس آياتونه په دجال ووايي نو هغه به ددجال له فتنې څخه خوندي وي .آن تردې چي که يي دجال خپل اورته هم واچوي هغه به ورته يخ شي .
دوروڼو داسانتيا لپاره هغه آياتونه رانقلوم پالونکی څښتن دي مونږ اوتاسي ټول مسلمانان له هرډول دنيوي اواخروي فتنو څخه خوندي وساتي او خداي جل جلاله دي ددې آياتونو ديادولو توفيق راپه برخه کړي .آمين ثم آمين
الْحَمْدُ لِلَّهِ الَّذِي أَنزَلَ عَلَى عَبْدِهِ الْكِتَابَ وَلَمْ يَجْعَل لَّهُ عِوَجَا {1} قَيِّماً لِّيُنذِرَ بَأْساً شَدِيداً مِن لَّدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْراً حَسَناً {2} مَاكِثِينَ فِيهِ أَبَداً {3} وَيُنذِرَ الَّذِينَ قَالُوا اتَّخَذَ اللَّهُ وَلَداً {4}‏ مَّا لَهُم بِهِ مِنْ عِلْمٍ وَلَا لِآبَائِهِمْ كَبُرَتْ كَلِمَةً تَخْرُجُ مِنْ أَفْوَاهِهِمْ إِن يَقُولُونَ إِلَّا كَذِباً {5} فَلَعَلَّكَ بَاخِعٌ نَّفْسَكَ عَلَى آثَارِهِمْ إِن لَّمْ يُؤْمِنُوا بِهَذَا الْحَدِيثِ أَسَفاً {6} إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلاً {7} وَإِنَّا لَجَاعِلُونَ مَا عَلَيْهَا صَعِيداً جُرُزاً {8} أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَباً {9} إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَداً {10}

8-يادونه : ددې بحث بنسټ په نبوي احاديثو ښودل شوی . ما خپلي خبري يا دعلماو اقوال په قوسونو کي بند ليکلي .ددې لپاره چي بحث اوږد نشي فقط دحديثو دهغو کتابونو دنومونو په ليکلو بسنه کوم چي په بحث کي استفاده ورڅخه شويده .
مسلم ،ابوداود ، ابن ماجه ، طبراني ، درمنثور ، کنزالعمال ، ابن جرير ، فتح الباري ، احمد ، سيوطي ، حاکم .