جمعه , دسمبر 4 2020
کور / خبرونه / پاکستان / دپاکستان او امريکې دتاوجنو اړيکو اغېزه پر افغان کډوالو وشوه

دپاکستان او امريکې دتاوجنو اړيکو اغېزه پر افغان کډوالو وشوه

پاکستان په خپله خاوره نزدې ۱۴ لاکه بې اسناده افغان کډوالو ته يوه مياشت نور وخت ورکړی چې دلته پاتې شي، افغان کډوالو ته په پاکستان کې په قانوني توګه د پاتې کېدو لپاره د ۲۰۱۷م د دسمبر د ۳۱م وروستۍ نېټه ورکړل شوې وه.
د افغان چارواکو، ملګرو ملتونو ادارې (يواېن اېچ سي ار) او پاکستان ترمنځ د افغان کډوالو د راتلونکې په اړوند غونډه کې کوربه وړانديز کړی و چې افغان کډوالو ته په قانوني توګه د پاتې کېدو لپاره د ورکړل کېدونکي کارډ موده يوکال وغځوي.
خو د چهارشنبې،شورو په ورځ د وزيراعظم شاهدخاقان عباسي په مشرۍ د مرکزي کابينې غونډه کې په دغه وړانديز بحث شوی او له بحث وروسته کابینې يواځې د ۳۰ ورځو اجازه ورکړې او ويلي يې دي دغه مسله به د يواېن اېچ سي ار او نړيوالې ټولنې سره راپورته کوي.
کابينې ټينګار کړی چې د پاکستان اقتصاد د اوږدې مودې نه د افغان کډوالو په کوربه توب د بوج لاندې دې او په اوسنو حالاتو کې نور دغسې نشي کولی. پاکستان کې د خواوشا درې لسيزو راهسې نزدې ۲۷ لاکه افغان کډوال ژوند کوي چې نزدې نيم يې د پاتې کېدو لپاره قانوني اسناد نه لري.
پاکستان د اوږدې مودې نه تور لګوي چې د افغان کډوالو په کېمپونو کې تندلاري پټيږي او د افغانستان سره ګډې پولې دواړو غاړو ته بريدونه کوي. اسلام اباد ټينګار کوي چې د افغانستان همکاره امريکا او لويديځي هېوادونه دې د افغان کډوالو زر تر زره بیرته خپل هېواد ته ستنولو شونتيا رامنځ ته کړي.
څيړونکي وايي د افغان کډوالو په اړوند د پاکستان تازه پرېکړه ښايي د واشنګټن سره د تاوژنو اړيکو په ترڅ کې شوي وي. د نوي کال په وړومبۍ ورځ صدر ټرمپ په يو ټويټ کې په پاکستان سختې نيوکې کړي او افغانستان دپاکستان په اړوند د امریکايي ولسمشر بیان ستایلی دی.
ټرمپ ويلي پاکستان په تېر ۱۵ کاله موده کې د امريکا نه ۳۳ اربه ډالره مرستې اخستي خو ورسره یې هغه ترهګرهم ساتلي چې امريکايي ځواکونه یې پرضد جنګيږي. اسلام اباد دغه تورونه ردوي او وايي امريکا په افغانستان کې د خپلې ناکامۍ پړه په پاکستان ور اچوي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: