یکشنبه , نوومبر 29 2020
کور / خبرونه / افغانستان / د افغان سولې عالي شورا د طالبانو د ځواب په طمعه ده

د افغان سولې عالي شورا د طالبانو د ځواب په طمعه ده

د سولې عالي شورا مرستیال حاجي دین محمد ویلي، طالبانو تر اوسه په واضح او ښکاره توګه د افغان حکومت د سولې وړاندیز ته ځواب نه دی ویلی. دده په خبره هر څه د طالبانو په اختیار کې دي او دوی هم د طالبانو د ځواب په تمه دي. نوموړي ویلي د طالبانو ملا رسول ډلې د سولې د خبرو هرکلی کړی دی، خو د ملا هبت الله ډلې تر اوسه په رسمي توګه په دې اړه څه نه دي ویلي. حاجي دین محمد وايي طالبانو ته په کار ده، چې اختلافي موارد د سولې مېز ته راوړي او د خبرو له لارې به یې د له منځه وړلو هڅه وشي. هغه زیاته کړې چې هېڅ شی د جګړو پر مټ تغیر نه کوي او د جګړو د پای ته رسولو یوازینۍ لار د سولې خبرې دي. افغان حکومت طالبانو ته د سولې وړاندیز کړی دی او د طالبانو د ځواب لپاره یې د وخت محدودیت هم نه دی وضع کړی. حکومت ددې تر څنګ ټینګار کړی، چې د طالبانو تر ځواب پورې به ددوی وسله وال په نښه کېږي او پر ضد به یې عملیات هم روان وي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: