جمعه , دسمبر 4 2020
کور / ليکنې / د باجوه ډاکټرېن ځينو برخو په سياسي پوهانو او د پاکستان په دريو صوبو کې اندېښنې راپارولي دي!

د باجوه ډاکټرېن ځينو برخو په سياسي پوهانو او د پاکستان په دريو صوبو کې اندېښنې راپارولي دي!

پاکستاني ميډیا له تېرو څو ورځو راهسې د پوځ د وسني مشر جنرال قمر جاوېد باجوه ځېنې خبرې او آېنده تګلاره د باجوه ډاکټرېن (باجوه مفکوره) په نامه يادوي.
د باجوه ډاکټرېن تر اوسه کومه ليکلې بڼه نشته خو مېډيا دغه اصطلاح د جنرال باجوه د ځينو هغه خبرو نه اخستې چې وايي نوموړي يو شمېر خبريالانو ته د امنيت په اړه د نه خپرولو په شرط يا آف دي رېکارډ کړې وې .
په ميډيا کې د باجوه ډاکټرېن ځينو برخو په سياسي پوهانو او د پاکستان په دريو صوبو کې اندېښنې پارولي دي.
يوه برخه لکه چې ميډيا يي ذکر کوي وايي چې جنرال باجوه ۱۸م آيني بدلون نه غواړي بل دا چې ګني پوځ به د منتخب حکومت او عدليې ترمينځ لانجه کې د عدليې سره ودريږي او يا دا چې غواړي غربي پوله بيخي خوندي کړي.

د باجوه ډاکټرېن سره په مېډيا کې تړل شوې خبرې د پاکستان د پوځ وياند مېجر جنرال آصف غفور رد کړي هغه د سياسي ګوندونو او څيړونکو نيوکو ته په يوساده ځواب کې وويل چې د پاکستان “امنيت” اصل کې باجوه ډاکټرېن دی.

د لاهور د لمز کالج استاذ رسول بخش رېس وايي جنرل قمر باجوه يواځي پوځي جرنېل بلکه د پاکستان د پوځ مشر دی دغه پوځ چې وخت په وخت يي د جمهوري حکومتونو تختې نسکورې کړي .

نوموړی وايي، ” د جنرل باجوه د تګ لارې ارادې، وخت او لهجې پښتنې راپورته کړي.

په مېډيا کې تر اوسه د باجوه ډاکټرېن په بېلا بېلو برخو کې وېشل شوي دي ځنې غټ ټکي يي داسې دي:

۱۸م آيني ترميم ( چې پکې صوبو ته اختيارات ورکړل شوي) : د جنرل باجوه په دغه تګ لاره کې په ۱۸۸م آيني ترميم هم نيوکې شوي چې ګنې دغه آيني بدلون د بنګله دېش د مشرشېخ مجيب الرحمان دهغه شپږو نقطو نه هم ډېر خطرناک دی چې پاکستان يي په کال ۱۹۷۱م کې دوه ټوټې کړې وې په دغه ډاکټرېن کې ويلې شوي دي چې د ۱۸م آيني ترميم سره پاکستان د فېډرۍشن نه کنفېډرېشن کې بدل شوې او وايي صوبې په دغه بدلون کې ورغلي يوشمېر ادارې په ښه شان نه شي چلولی.

خارجه تګ لاره: ګاوڼډي هېوادونو سره ښې اړيکې ، نړيوالو طاقتونو سره د برابرۍ په اساس تعلقات د باجوه ډاکټرېن د خارجه تګ لارې بنيادي ټکي دي.

دغه ډاکټرېن د پاکستان په اړه داسې تورونه ردوي چې ګنې پاکستان افغانستان خپله پېنځمه صوبه ګڼي اومداخلت به پکې کوي. دغه تګ لاره کې د افغانستان سره د رورولۍ په اساس د ښو اړيکو غوښتنه شوې.

د جمهوريت پلوي: په باجوه ډاکټرېن کې د جمهوريت د پوره ملاتړ ژمنه شوې او د جمهوري حکومتونو په ضد د سپريم کوټ په فېصلو کې د پوځ مداخلت ردوي او وايي د قانون احترام او د قانون بالادستي د ترهګرۍ خلاف مهمه رول لوبوي.

دترهګرۍ ختمون او د امن خوندي کول: باجوه ډاکټرين په هېواد دننه په امنيت قوي کولو زور اچوي او غواړي چې د پاکستان په خاوره ترهګر خوندي ځايونه او نه لري په دغه نوې تګ لاره کې د ښه او بد ترهګر پخوانۍ تګ لاره رد کړې شوې ده او د پاکستان د روښانه سباؤن په خاطر دغه هېواد د تندروۍ نه د پاکولو ژمنې شوي او وايي چې کوم ترهګروسله کېږدي او د پاکستان آيين اومني نو په ټولنه کې به ورته ځاې ورکړی کيږي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: