د دریو افغان مشرانو لوڼې او په دوبۍ کې د کشمش رستورانت

د عربي متحده اماراتو په دوبۍ ښار کې د کشمش د رستورانت دروازه او دیوالونه یې د افغانستان په فرهنگي او لاسي اثارو ښکلي شوي. ددې رستوانت د یوې بنسټ ایښونکې فاطمه رباني وايي د کسب و کار تر څنگ، د دوې هدف دا دی چې د افغانستان بډایه فرهنگ خلکو ته وروپیژني.

د افغانستان د پخواني جمهور رئیس برهان الدین رباني د لور فاطمه رباني سربیره، د سید احمد ګیلاني لمسۍ ایمان ناظمي او د افغانستان د جمهوري ریاست د پخواني مرستیال احمد ضیا مسعود لور حمیرا ناصر ضیا هم پدې رستورانت کې ونډه لري.

فاطمه رباني د عربي متحده اماراتو د خلیج ټایمز ورځپاڼې ته ویلي دي چې د خپلو دوو تجارتي شریکانو سره غوښتل د افغانستان لپاره یو کار وکړي چې پدې ترڅ کې ددغه رستورانت د جوړولو فکر رامنځ ته شو.

د فاطمه رباني په وینا د کشمش رستورانت خپلو مشتریانو ته افغاني سنتي خواړه وړاندې کوي. د محلي ډوډیو نه نیولې تر هغو خوړو پورې د دوی په مینو کې شته چې د افغانستان په ښارونو mکې د سړک په غاړه خرڅیږي.

د کشمش په رستوران کې ډول ډول افغاني عذاگانې مشتریانو ته وړاندې کیږي
په پوره اندازه خواړه چې ددې رستوانت هر مشتري ته برابریږي د فاطمه رباني په وینا د مشتریانو د جلب په خاطر نه بلکه د افغانانو د میلمه پالنې او سخاوتمندۍ په خاطر دي.

د خلیج ټایمز ورځپاڼه د فاطمه رباني له قوله لیکي چې “په اوس وخت کې افغانستان ته تگ او هلته ژوند کول ښایي مونږ ته محتمل نوي … که چیرته هلته وای ښایي پر مونږ به محدودیتونه لگیدلی وای. خو هیله لرو چې یوه ورځ وکړای شو د (کشمش رستورانت) څانگې په کابل کې پرانزو”.