د یو ولسمشر میرمن او د بل مور مړه شوه

د امریکا لومړۍ میرمن باربرا بوش د ۹۲ کالو په عمر مړه شوه، چې نوموړې د یو ولسمشر میرمن او د بل مور وه.
باربرا بوش د ۱۹۸۹ نه تر ۱۹۹۳ پورې د امریکا لومړۍ میرمن وه، چې دې موده کې یې خاوند جارج ډبلیو ایچ بوش د امریکا ولسمشر و.
نوموړې د ډیرې مودې راهیسي د ناروغتیا له امله کړیدله چې په اخر کې یې درمل خوړل پریښودل.
د دې خاوند چې اوس مهال ۹۳ کاله عمر لري د امریکا له ټولو ولسمشرانو د ډير عمر لرونکې شو.
د باربرا بوش زوی جارج ډبلیو بوش په ۲۰۰۰ کال کې ولسمشر او د هیواد په کچه ۴۳ ولسمشر و، وروسته د دویم ځل لپاره یې هم د ولسمشرۍ ټولټاکنې وګټلې او ولسمشر پاتې شو، نوموړي وویل: “زما ګرانه مور د ۹۲ کالو په عمر کې مړه شوه، موږ ټول خفه یو خو روحونه مو ارام دي، ځکه زموږ باور دی چې ستا روح به ارام وي، نوموړې په زړه پورې لومړۍ میرمن وه چې له نورو یې جلا ځانګړنې لرلې، د زرګونو خلکو په ژوند کې د خوښۍ او میني راوستلو سبب وه”.
بارک اوباما، بل کلنټن او اوسني ولسمشر ډونلډ ټرمپ د نوموړې کورنۍ ته د غمرازۍ پیغامونه استولي.