د موبایل ډیر کارول د مغزو د سرطان سبب ګرزي

د چاپېریال او عامه روغتیا په ژورنال کې خپرې شوې یوې مقاله کې ویل شوي، د ۱۹۹۵ او ۲۰۱۵ ز کلونو تر منځ ترسره شوې څېړنه کې مالومه شوې چې دغه لسیزه کې د مغزو سرطان دوه برابره زیات شوی دی.
د دغه سرطان د زیاتوالي لامل د ژوند طرز کې بدلون او د موبایل زیات استعمال دی.
ساینسپوهانو مالومه کړې چې د سرطان زیات تومور د مغزو شاته برخه او د غوږ پورتنۍ برخه کې موندل شوی.
دغه موندنه ښیي چې د تومور پېدا کېدل د زیات موبایل کارولو له امله دی او د موبایل کارولو سره-سره د مغزو تومور کې هم زیاتوالی راځي.
دغه تومور ته glioblastoma وایي. د دغه تومور تشخیص په لومړیو کې ستونزمن وي، خو سر ګرځېدل، سم نه لیدل، بې هوښي او ګرځېدو کې فرق راتلل د دغه سرطان لومړنۍ نښې دي.
پوهان وایي، د دغه سرطان نه د ځان ساتلو له پاره اړینه ده چې پر موبایل له ډېرو خبرو کولو څخه ځان وساتئ او که خبرې کول ډېر اړین وي، نو بیا غوږۍ (ګوشکي) وکاروئ.