دوشنبه , مارچ 1 2021
کور / خبرونه / افغانستان / طالبانو نوې ډله:ملاهبت الله پلورل شوی او د پاکستان غلام دی

طالبانو نوې ډله:ملاهبت الله پلورل شوی او د پاکستان غلام دی

د طالبانو نوې ډله:« ملاهبت الله پلورل شوی دی»
د طالبانو يوې نوې ډلې په هرات کې د شپې پاڼو په خپرولو او له ځينو رسنیو سره د خبرو په لړ کې ويلي دي چې په کوټه کې ټاکل شوی مشر ملاهبت الله پلورل شوی او د پاکستان غلام دی.
د هشت صبح ورځپاڼې د راپور پر بنسټ دا ډله چې ځانونه ملااخترمحمد منصور ته منسوب بولي وايي چې د دوی د مشر په وژلو کې هم د هبت الله لاس وو ځکه ده غوښتل چې خپله امیر شي او د پيسو او ډيرو امتیازونو د تر لاسه کولو لپاره يي د مشر منصور په اړه جزييات امریکايانو ته ورکړل او هغه و وژل شو.
دوی ويلي دي چې د هبت الله په مشرۍ مشخص کسان د نوموړي په ګډون قومپالنه کوي او يو زیات شمېر طالب مشران په پټه ترور کيږي او د منصور دادالله په شان يي کورنۍ قتل عام کيږي.
دوی ليکلي دي:« موږ د ملااخترمحمد منصور د سنګر ملګرو څو وارې له تاسو وغوښتل چې له خپلو کارونو لاس واخلئ او نور مجاهدين مه سره ويشئ خو تاسو ورته پاملرنه ونکړه.»
دوی وايي:« هبت الله نورو ته کار کوي هغه د کفري هیوادونو نوکر دی او ښه ثبوت يي په روسيه کې په جوړيدونکې ناسته کې ګډون ته شين څراغ ښودل وو، اوس طالبان د بلک واټر په شان د سهامي شرکت په توګه اجرتي او پردۍ جګړه پرمخ وړي.»
یاده دې وي چې د هرات په ډيرو سیمو کې يادې اعلاميي لیدل شوي دي او ځينو وتلو رسنیو هم ددې ډلې له يو شمېر مهمو غړو سره خبرې کړي دي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *