چهارشنبه , مارچ 3 2021
کور / خبرونه / افغانستان / طالبان د امریکا سره خبرو له پاره پلاوی ګوماري

طالبان د امریکا سره خبرو له پاره پلاوی ګوماري

پخواني طالب چارواکي او معتصم اغا جان ویلي طالبانو او امریکا د خبرو پر دوام هوکړه کړې ده او ټاکل شوې چې طالبان د مذاکراتو لپاره یو پلاوی وګوماري. نوموړي له بهرنیو رسنیو سره په خبرو کې ویلي، که امریکا او طالبان وغواړي چې افغان جګړه نوره پای ته ورسېږي، نو تر ټولو ښه لاره یې دا ده، چې د مذاکراتو او خبرو لړۍ ته ادامه ورکړي. دده په وینا د طالبانو ستونزه له امریکا سره ده او د امریکا او طالبانو ترمنځ مخامخ خبرې به دغه ستونزې حل کړي. د متعصم اغاجان په خبره، د سولې په مذاکراتو او خبرو کې تر ټولو ستره ستونزه د امریکايي ځواکونو حضور دی او پر دې مسئله به جدي خبرې کېږي. هغه ویلي چې په افغانستان او سیمه کې ټول اړخونه د سولې او سیاسي مذاکراتو پلویان دي او د جګړو د له منځه وړلو یوازینۍ لار هم د سولې او مذاکراتو دوام دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *