یکشنبه , اکتوبر 25 2020
کور / پښتو ادب / غزل / د بدنامۍ مقام/مهاجر زاهد ساپي

غزل / د بدنامۍ مقام/مهاجر زاهد ساپي

غزل

ــــــــ
ژوند کې د دغه بدنامۍ مقام مې هم واخیسته
د یار له مخه د رقیب سلام مې هم واخیسته

هوش به د خپلې خاموشۍ له دایرې وتی وو؟
چې زړه کې قید د هغې مینې، نام مې هم واخیسته

د زمانې دستور، د ورور په مرګ کې ژوند لټول
مجبورۍ! دغه یو بې ځای الزام مې هم واخیسته

ترتا راتګ ته پخپل عزم مطمئن هم ومه
بېرته که کله کله شاته ګام مې هم واخیسته

مینې دې کړمه برخمن په بې وطنه ژوندون
د تنهایۍ، د تور ماښام، انعام مې هم واخیسته

کړ مې غزل ته ترجمه زاهد ساپي هغه درد
له خپلو څړیکو نه یو څه ارام مې هم واخیسته
ــــــــــــــــــــــــــــــــــــــــــــــــــــــــــــــــــــــــــ
د آزاد خېل ادبي جرګې نه په مننې!

#ٹرائبل_نیوز کې د “پښتو ادب” اړونده مواد هم خپریږي که تاسو هم د پښتو ادب کې برخه اخلئ نو اړیکه راسره ونیسئ

Tribalnews.net@gmail.com

2 تبصرې

  1. Buy cialis from canada online Soapy Can Dairy Legumes Complex. cheap cialis set granted importantly-impotence is a exception suspect

  2. Ozvhfq smlgsq otc cialis visibly suspend sole the ventilator to undergo simply major it.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

%d bloggers like this: